କାର୍ତ୍ତିକଙ୍କ ଫିଫ୍ଟିସେଡ୍ସ ଅଫ ରଘୁ, ଦେଖନ୍ତୁ ଭିଡିଓ...

ନିଜ ଅଭିନୀତ ଫିଲ୍ମ ‘ଲଭ ଆଜକଲ’ର ପ୍ରମୋଶନ ପାଇଁ ସୋସିଆଲ ମିଡିଆରେ ମଜାଦାର ଭିଡିଓ ସେୟାର କରିବାରେ ଲାଗିଛନ୍ତି କାର୍ତ୍ତିକ ଆର୍ୟନ ।

ମୁମ୍ବାଇ: ବଲିଉଡର ଚକଲେଟି ହିରୋ କାର୍ତ୍ତିକ ଆର୍ୟନ ଓ ପଟୌଦୀ ବଂଶର ଲାଡଲୀ ସାରା ଅଲ୍ଲୀ ଖାନ ବର୍ତ୍ତମାନ ନିଜର ଆଗାମୀ ଫିଲ୍ମ ‘ଲଭ ଆଜକଲ’ ପ୍ରମୋଶନରେ ଖୁବ୍ ବ୍ୟସ୍ତ । ପ୍ରାୟତଃ ଏହି ଯୋଡି ସୋସିଆଲ ମିଡିଆରେ ଫିଲ୍ମ ପ୍ରମୋଶନ ମଧ୍ୟ କରିବାରେ ଲାଗିଛନ୍ତି । ଫିଲ୍ମ ପ୍ରମୋଶ ପାଇଁ କାର୍ତ୍ତିକ ଗୁରୁବାର ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ 90 ଦଶକର ଲୁକରେ ନଜର ଆସୁଛନ୍ତି ।

ଏହାକୁ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଖମ୍ମା ଗଣି ପଧାରୋ ସାକ୍ଷାତ କରନ୍ତୁ ରାଜସ୍ଥାନର ରଘୁଙ୍କ ସହ।’ ବର୍ତ୍ତମାନ କାର୍ତ୍ତିକଙ୍କ ଏହି ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ଭିଡିଓରେ ତାଙ୍କ ଲୁକ ଶାନଦାର ନଜର ଆସୁଛି। ଏହାସହ ତାଙ୍କ ବ୍ୟାକଗ୍ରାଉଣ୍ଡରେ 90 ଦଶକର ଫେମସ ଗୀତ ‘ଦେଖା ହେ ପହଲି ବାର ସାଜନ କି ଆଖଁ ମେଁ ପ୍ୟାର’ ବାଜୁଥିବାର ଶୁଣିବାକୁ ମିଳୁଛି ।

ଭିଡିଓକୁ ଏଯାବତ ଲକ୍ଷେରୁ ଅଧିକ ଭ୍ୟୁଜ ମିଳିସାରିଲାଣି । ଏହାପୂର୍ବରୁ ମଧ୍ୟ କାର୍ତ୍ତିକ ନିଜର ଅନେକ ଫନ୍ନି ଭିଡିଓ ସେୟାର କରିସାରିଛନ୍ତି । ଗୋଟିଏ ଭିଡିଓରେ ସେ ସାରା ଅଲ୍ଲୀ ଖାନଙ୍କୁ କୋଳରେ ଉଠାଇଥିବାର ନଜର ଆସୁଛନ୍ତି । ଫିଲ୍ମ ପ୍ରମୋଶନ ପାଇଁ ଅହମ୍ମଦାବାଦରେ ପହଞ୍ଚିଥିଲେ ଏହି ଯୋଡି । ଫେମସ ନିର୍ମାତା ଇମତିଆଜ ଅଲ୍ଲୀଙ୍କ ରୋମାଣ୍ଟିକ ଫିଲ୍ମ ‘ଲଭ ଆଜକଲ’ ଆସନ୍ତା 14 ତାରିଖରେ ରିଲିଜ ହେବାକୁ ଯାଉଛି ।