ଜୟପୁର:ରାଜପୁତ କରଣୀ ସେନା ସୁପରହିଟ୍ ଫିଲ୍ମ ‘ପଦ୍ମାବତ’ ପରେ ଏବେ ଖିଲାଡି ଅକ୍ଷୟ କୁମାରଙ୍କ ଆଗାମୀ ଫିଲ୍ମକୁ ନେଇ ଚିନ୍ତା ପ୍ରକାଶ କରିଛନ୍ତି। ସେ ଫିଲ୍ମ ‘ପୃଥ୍ବୀରାଜ’ ନିର୍ମାତାଙ୍କୁ ଐତିହାସିକ ତଥ୍ୟ ସହ କୌଣସି ପରିବର୍ତ୍ତନ ନକରିବାକୁ ଦାବି କରିଛନ୍ତି। ଅକ୍ଷୟଙ୍କ ଏହି ଫିଲ୍ମର ସୁଟିଂ ଜୟପୁରର ଜମୁୱାରାମଗଢ ଗାଁରେ ଚାଲିଛି ।
ରାଜପୁତ କରଣୀ ସେନାର ରାଷ୍ଟ୍ରୀୟ ଅଧ୍ୟକ୍ଷ ମହିପାଲ ସିଂ ମକରାନାଙ୍କ ନେତୃତ୍ବରେ ସଗଠନ ସଦସ୍ୟ ଜମୁୱାରାମଗଢରେ ଗତ ଶନିବାର ସୁଟିଂର ବିରୋଧ କରିଥିଲେ । ଏହାସହ ନିର୍ମାତା ଚନ୍ଦ୍ର ପ୍ରକାଶଙ୍କୁ ଫିଲ୍ମ ସୁଟିଂ ରୋକିବା ଏବଂ ଫିଲ୍ମରେ ଐତିହାସିକ ତଥ୍ୟ ପରିବର୍ତ୍ତନ ନକରିବାକୁ ଦାବି କରିଥିଲେ।