ମୀରା ହେବେ କରିସ୍ମା!

'ମେଣ୍ଟାଲହୁଡ' ୱେବ ସିରିଜରେ ମୀରା ଭୂମିକାରେ ନଜର ଆସିବେ କରିସ୍ମା କପୁର । ଯାହା ଖୁବ୍ ଶୀଘ୍ର ଡିଜିଟାଲ ଦୁନିଆରେ ପ୍ରସାରଣ ହେବାକୁ ଯାଉଛି ।

ମୁମ୍ବାଇ: ଅଭିନେତ୍ରୀ କରିସ୍ମା କପୁର ଦୀର୍ଘ ସମୟ ପରେ ଅଭିନୟ ଜଗତକୁ ଫେରିବାକୁ ଯାଉଛନ୍ତି । ଏବେ ସେ ବଡ ପରଦାରେ ନୁହେଁ ବରଂ ଡିଜିଟାଲ ଦୁନିଆରେ ପଦାର୍ପଣ କରିବେ । ସେ ଖୁବ୍ ଶୀଘ୍ର ଅଲ୍ଟ ବାଲାଜୀର ନୂଆ ୱେବ ସିରିଜ 'ମେଣ୍ଟାଲହୁଡ'ରେ ଅଭିନୟ କରୁଥିବାର ଦେଖାଯିବେ ।

ଅଲ୍ଟ ବାଲାଜୀ ଆଗାମୀ 'ମେଣ୍ଟାଲହୁଡ'ରେ ମଦରହୁଡର ରୋମାଞ୍ଚକ କାହାଣୀ ପର୍ଯ୍ୟବେଷିତ ହୋଇଛି । ଏହାର ନିର୍ଦ୍ଦେଶକନା ଦାୟିତ୍ବ ତୁଲାଇଛନ୍ତି କରିସ୍ମା କୋହଲି ।

ଏହି ଶୋରେ କରିସ୍ମା ଜଣେ ମଲ୍ଟି-ଟାସ୍କ ମା' ମୀରା ଶର୍ମାଙ୍କ ଭୂମିକାରେ ଅଭିନୟ କରିବେ । ସିରିଜରେ ଛୁଆଙ୍କ ପାଳନପୋଷଣ କିପରି କରାଯାଏ ତାହାକୁ ନେଇ ଆଧାରିତ କାହାଣୀ । ଅନ୍ୟପଟେ ସିରିଜକୁ ନେଇ ଖୁବ୍ ଉତ୍ସାହିତ ଅଛନ୍ତି କରିସ୍ମା ।