ହାଇଦ୍ରାବାଦ: ଏକତା କପୁରଙ୍କ ନାଗିନ ସୋ ଏବେ ଚର୍ଚ୍ଚାରେ । କାରଣ ନୂଆ ସିଜିନରେ ମୁଖ୍ୟ ଭୂମିକାରେ ନଜର ଆସୁଛନ୍ତି ବିଗବସ ବିଜୟିନୀ ତେଜସ୍ବୀ ପ୍ରକାଶ। ଏକତା କପୁର 2015 ରେ ଟିଭିରେ 'ନାଗିନ୍' ସୋ ଆଣିଥିଲେ । ଏଥର 'ନାଗିନ୍ 6'ର ଟେଲିକାଷ୍ଟ ଶନିବାର ରାତିରୁ ଆରମ୍ଭ ହୋଇଛି । ଶୋ’ରେ ଅଭିନେତ୍ରୀ ତେଜସ୍ବୀ ପ୍ରକାଶଙ୍କ ଭୂମିକା ବହୁତ ପାଓ୍ବରଫୁଲ ଦେଖାଯାଉଛି । ତେଜସ୍ବୀ ପ୍ରକାଶ ମଧ୍ୟ 'ନାଗିନ୍ 6' ପାଇଁ ବହୁତ ଉତ୍ସାହିତ ଅଛନ୍ତି । 'ନାଗିନ୍' ର ପ୍ରଥମ ଲୁକ୍ ଠାରୁ ତେଜସ୍ବୀ ପ୍ରକାଶଙ୍କୁ ବହୁତ ପ୍ରଶଂସା କରାଯାଉଛି ।
ଏପଟେ ତେଜସ୍ବୀ ପ୍ରକାଶଙ୍କ ନାଗିନ ଲୁକ୍ ଦେଖି ଫିଦା ହୋଇଯାଇଛନ୍ତି ବୟଫ୍ରେଣ୍ଡ କରଣ କୁନ୍ଦ୍ରା। ତେଜସ୍ବୀ ପ୍ରକାଶ-କରଣ କୁନ୍ଦ୍ରାଙ୍କ ପ୍ରେମ ସମ୍ପର୍କ ବିଗ୍ ବସ୍ 15 ଘରେ ଆରମ୍ଭ ହୋଇଥାଇପାରେ, କିନ୍ତୁ ଘରୁ ବାହାରକୁ ଆସିବା ପରେ ମଧ୍ୟ ଦୁହିଁଙ୍କ ମଧ୍ୟରେ ପ୍ରେମ ଜାରି ରହିଛି । ଉଭୟ ପ୍ରାୟତଃ ନିଜ ବ୍ୟସ୍ତବହୁଳ କାର୍ଯ୍ୟସୂଚୀରୁ ସମୟ ବାହାର କରି ପରସ୍ପର ସହିତ ସମୟ ବିତାଉଥିବା ଦେଖାଯାଇଛି । ଭାଲେଣ୍ଟାଇନ୍ସ ଡେ’ର ବିଶେଷ ଅବସରରେ ମଧ୍ୟ କରଣ କୁନ୍ଦ୍ରା ତେଜସ୍ବୀ ପ୍ରକାଶଙ୍କ ପ୍ରତି ନିଜର ପ୍ରେମ ବ୍ୟକ୍ତ କରିବାକୁ ପଛାଇ ନାହାନ୍ତି। ସୋସିଆଲ ମିଡିଆରେ କରଣ ତେଜସ୍ବୀଙ୍କ ପାଇଁ ଏକ ବିଶେଷ ବାର୍ତ୍ତା ଲେଖିଛନ୍ତି।