ମୁମ୍ବାଇ: ଫେମସ ନିର୍ମାତା କରନ ଜୋହରଙ୍କ ଡ୍ରିମ ପ୍ରୋଜେକ୍ଟ ‘ତଖତ’କୁ ନେଇ ଏକ ନୂଆ ଖବର ସାମ୍ନାକୁ ଆସିଛି । ଫିଲ୍ମର ଟାଇଟଲ ଘୋଷଣା ହେବା ପରଠୁ ଚର୍ଚ୍ଚାରେ । ଫିଲ୍ମର ଭାରତ ସୁଟିଂ ଶେଷ କରିଛନ୍ତି ଷ୍ଟାରକାଷ୍ଟ । ଯାହାର କିଛି ଫଟୋ ସୋସିଆଲ ମିଡିଆରେ ବର୍ତ୍ତମାନ ଦେଖିବାକୁ ମିଳୁଛି । ଫଟୋରେ କରନ ନିଜ ପୁରା ଟିମ ସହ ନଜର ଆସୁଛନ୍ତି ।
‘ତଖତ୍’ ର ଭାରତ ସୁଟିଂ ଶେଷ, ଏବେ ୟୁରୋପ ଯିବେ ଟିମ
ଭାରତରେ ଶେଷ ହେଲା କରନ ଜୋହରଙ୍କ ମଲ୍ଟି ଷ୍ଟାରର ଫିଲ୍ମ ‘ତଖତ୍’। ଫିଲ୍ମର ବାକି ସୁଟିଂ ୟୁରୋପରେ କରାଯିବ। ସୋସିଆଲ ମିଡିଆରେ ଏନେଇ ସୂଚନା ଦେଲେ କରନ ଜୋହର।
ଫଟୋ ସୌଜନ୍ୟ: ଇନଷ୍ଟାଗ୍ରାମ@କରନ ଜୋହର
ଫିଲ୍ମ ସୁଟିଂ ପାଇଁ ଟିମ ଖୁବଶୀଘ୍ର ୟୁରୋପର ଯାତ୍ରା କରିବେ। ସୋସିଆଲ ମିଡିଆରେ ଏହାର ସୂଚନା କରନ ଫ୍ୟାନ୍ସଙ୍କୁ ଦେଇଛନ୍ତି । ପ୍ରକାଶ ଥାଉକି କରନଙ୍କ ବହୁପ୍ରତିକ୍ଷିତ ଫିଲ୍ମ ‘ତଖତ’ ଏକ ଐସିହାସିକ ପିରିୟଡ ଡ୍ରାମା ଫିଲ୍ମ। ଯେଉଁଥିରେ ରଣବୀର ସିଂ, ଅନିଲ କପୁର, ବିକ୍କୀ କୌଶଲ, କରୀନା କପୁର ଖାନ, ଭୂମି ପେଡନେକର, ଆଲିୟା ଭଟ୍ଟ ଓ ଜାହ୍ନବୀ କପୁର ମୁଖ୍ୟ ଭୂମିକାରେ ଅଭିନୟ କରୁଥିବାର ଦେଖାଯିବେ।
ନିକଟରେ ଜାହ୍ନବୀ ଫିଲ୍ମ ବିଷୟରେ ଆଲୋଚନା କରି ଏକ ସାକ୍ଷାତକାରରେ କହିଥିଲେ କି ଫିଲ୍ମରେ ସାଇନ କରିବା ପରଠୁ ସେ ଉର୍ଦ୍ଦୁ ଭାଷା ଏବଂ କଥକର ଟ୍ରେନିଂ ନେବା ଆରମ୍ଭ କରିଛନ୍ତି। ଫିଲ୍ମର କାହାଣୀ ଔରଙ୍ଗଜେବ ଓ ଦାରା ସିକୋହଙ୍କ କାହାଣୀକୁ ନେଇ ଆଧାରିତ।