ନୂଆଦିଲ୍ଲୀ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ପରେ ଅନେକ ବଲିଉଡ ତାରକାଙ୍କୁ ଟ୍ରୋଲ କରାଯାଉଛି । କରଣ ଜୋହର, ଆଦିତ୍ୟ ଚୋପ୍ରାଙ୍କ ସମେତ ବହୁ ବଡ ବଡ ଚଳଚ୍ଚିତ୍ର ନିର୍ମାତା ନେପୋଟିଜିମକୁ ପ୍ରୋତ୍ସାହିତ କରୁଥିବା ଅଭିଯୋଗ ହୋଇଛି ।
ବିଶେଷକରି ସୋସିଆଲ ମିଡିଆ ବ୍ୟବହାରକାରୀମାନେ କରଣ ଜୋହରଙ୍କୁ ଟ୍ରୋଲ କରୁଛନ୍ତି । ବର୍ତ୍ତମାନ ପୁଣି ଥରେ କରଣଙ୍କୁ ଟ୍ରୋଲ କରାଯାଇଛି ।
ନିକଟରେ ଅନୁଷ୍କା ଶର୍ମା 2021ରେ, ଏକ ସନ୍ତାନ ଜନ୍ମ ଦେବେ ବୋଲି ଫ୍ୟାନ୍ସଙ୍କୁ ଖୁସି ଖବର ସୋସିଆଲ ମିଡିଆ ମାଧ୍ୟମରେ ଜଣାଇଥିଲେ । ଯାହାପରେ କରଣ ଅନୁଷ୍କାଙ୍କୁ ଏକ ପୋଷ୍ଟ ମାଧ୍ୟମରେ ଅଭିନନ୍ଦନ ଜଣାଇଥିଲେ । ଠିକ୍ ସେତିକିବେଳେ ୟୁଜର୍ସମାନେ କରଣଙ୍କୁ ଟ୍ରୋଲ କରିବା ଆରମ୍ଭ କରିଥିଲେ ।
ଅନୁଷ୍କାଙ୍କୁ ଅଭିନନ୍ଦନ ଜଣାଇ କରଣ ଲେଖିଥିଲେ, 'ପ୍ୟାର ପ୍ୟାର ଏବଂ ଢେର ସାରା ପ୍ୟାର' । କରଣଙ୍କ ଏହି ପୋଷ୍ଟରେ 1100 ରୁ ଅଧିକ ଲୋକ ମନ୍ତବ୍ୟ ଦେଇଛନ୍ତି ।