ହାଇଦ୍ରାବାଦ: ଯଦିଓ କପିଲ ଶର୍ମା ତାଙ୍କ କମେଡି ହେତୁ ଚର୍ଚ୍ଚାରେ ରହିଛନ୍ତି, କିନ୍ତୁ ଗତ କିଛି ଦିନ ହେବ ସୋସିଆଲ ମିଡିଆରେ ୟୁଜର୍ସ ତାଙ୍କ ସୋ'କୁ ବୟକଟ କରିବାକୁ ଦାବି କରିଆସୁଛନ୍ତି । ଏହା ପଛରେ 'କାଶ୍ମୀର ଫାଇଲ୍ସ' (The Kashmir Files) ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ଏକ ଟୁଇଟ୍ ରହିଛି । ଯେଉଁଥିରେ ସେ ଏକ ଅଭିଯୋଗ ଆଣି କହିଛନ୍ତି, କପିଲ ତାଙ୍କ ସୋ'ରେ 'କାଶ୍ମୀର ଫାଇଲ୍ସ'ର ପ୍ରମୋସନ କରିବାକୁ ମନା କରି ଦେଇଛନ୍ତି । କପିଲ ଏହି ପ୍ରସଙ୍ଗରେ ପ୍ରଥମେ ନୀରବ ରହିଥିଲେ, ବର୍ତ୍ତମାନ ପ୍ରଥମ ଥର ପାଇଁ ସେ ଏକ ବୟାନ ଦେଇଛନ୍ତି ଏବଂ ଟ୍ୱିଟ କରି କହିଛନ୍ତି ଯେ ପ୍ରକୃତରେ ସତ୍ୟ କ’ଣ ?
କପିଲ ଶର୍ମାଙ୍କୁ ସୋସିଆଲ ମିଡିଆରେ ଲୋକମାନେ ଅନେକ ପ୍ରଶ୍ନ ପଚାରୁଛନ୍ତି ଏବଂ ଜାଣିବାକୁ ଚାହୁଁଛନ୍ତି ସତ୍ୟ କ’ଣ ? କିଛି ଲୋକ କପିଲଙ୍କୁ ମଧ୍ୟ ଅଭିଯୋଗ କରୁଛନ୍ତି ଏବଂ କହୁଛନ୍ତି ଯେ ସେ 'କାଶ୍ମୀର ଫାଇଲ'କୁ ପ୍ରମୋଟ୍ କରିବାକୁ ଡରୁଛନ୍ତି କି ?
ସୋସିଆଲ ମିଡିଆ ୟୁଜର୍ସ ପଚାରୁଛନ୍ତି ପ୍ରଶ୍ନ
ଗୁରୁବାର ଟ୍ୱିଟରରେ କୁନୱର ସିଂ ରାଠୋର ନାମକ ଜଣେ ୟୁଜର ଲେଖିଛନ୍ତି, 'କାଶ୍ମୀର ଫାଇଲ୍ସର ପ୍ରଚାର ପାଇଁ କପିଲ କାହିଁକି ଚିନ୍ତିତ ? କେଉଁ କଥାର ଡର ଥିଲେ ଯେ, ବିବେକ ରଂଜନ ଅଗ୍ନିହୋତ୍ରୀ ଏବଂ ତାଙ୍କ ଚଳଚ୍ଚିତ୍ରର ଆଇକନ୍ ଷ୍ଟାର୍ କାଷ୍ଟଙ୍କୁ ତାଙ୍କ ଶୋ’ରେ ଆଣିବାକୁ ନିମନ୍ତ୍ରଣ କଲେନି ? ମୁଁ ଆପଣଙ୍କର ଜଣେ ବଡ଼ ପ୍ରଶଂସକ ଥିଲି ଭାଇ, କିନ୍ତୁ ଆପଣ ମୋତେ ଏବଂ କୋଟି କୋଟି ଲୋକଙ୍କୁ ନିରାଶ କରିଛନ୍ତି । ମୁଁ ଆପଣଙ୍କୁ ବଏକଟ୍ କରୁଛି ।