ମୁମ୍ବାଇ: ବିବାଦୀୟ ଅଭିନେତ୍ରୀ କଙ୍ଗନା ରଣାୱତ ଓ ତାଙ୍କ ଭଉଣୀ ରଙ୍ଗୋଲୀ ଚାନ୍ଦେଲ ପ୍ରାୟ ସବୁବେଳେ ଚର୍ଚ୍ଚାରେ ରହିଥାନ୍ତି । ରଙ୍ଗୋଲୀ ସବୁ ପରିସ୍ଥିତିରେ କଙ୍ଗନାଙ୍କୁ ସମର୍ଥନ କରି ବିବାଦ ଘେରକୁ ଆସିନ୍ତି । କିଛି ଦିନ ହେବ ରଙ୍ଗୋଲୀ ବଲିଉଡର ଅନେକ ଷ୍ଟାର୍ସଙ୍କ ଉପରେ ଖପ୍ପା ଥିଲା ଭଳି ଲାଗୁଛନ୍ତି । କାରଣ ଅନେକ ଦିନ ହେବ ସେ ଏକାଧିକ କଳାକାରଙ୍କ ବିରୋଧରେ ଟିପ୍ପଣୀ କରିଛନ୍ତି । ତେବେ ବର୍ତ୍ତମାନ ସମୟରେ ସେ ପୁଣି ଚର୍ଚ୍ଚାରେ । ଏଥର ସେ ଚୁଲବୁଲି ଅଭିନେତ୍ରୀ ତାପସୀ ପନ୍ନୁଙ୍କୁ ଟାର୍ଗେଟ କରିଛନ୍ତି ।
କଥାଟି ହେଲା କି ବୁଧବାର କଙ୍ଗନାଙ୍କ ଅପକମିଂ ଫିଲ୍ମ 'ଜଜମେଣ୍ଟାଲ'ର ଟ୍ରେଲର ରିଲିଜ ହୋଇଥିଲା । ଯେଉଁଠାରେ କଙ୍ଗନାଙ୍କ ଅଭିନୟରେ ଖୁସି ହୋଇ ଫ୍ୟାନ୍ସ ସୋସିଆଲ ମିଡିଆରେ ତାଙ୍କର ଖୁବ୍ ପ୍ରଶଂସା କରିଥିଲେ । ଏହି ତାଲିକାରେ ତାପସୀ ମଧ୍ୟ ଟ୍ରେଲର ଦେଖି ଟ୍ବିଟର ଜରିଆରେ କଙ୍ଗନାଙ୍କ ପ୍ରଶଂସା କରିଥିଲେ ।