ନୂଆଦିଲ୍ଲୀ: ଖୁବ୍ ଶୀଘ୍ର ଦର୍ଶକ ପୁଣିଥରେ ରାଜକୁମାର ରାଓ ଓ କଙ୍ଗନା ରଣାୱତଙ୍କ ପାଗଳାମୀ ପରଦାରେ ଦେଖିବାକୁ ଯାଉଛନ୍ତି । ଦୀର୍ଘ ସମୟରୁ ଚର୍ଚ୍ଚାରେ ଥିବା ଏକତା କପୁରଙ୍କ 'ମେଣ୍ଟାଲ ହେ କ୍ୟା' ଫିଲ୍ମରେ ମୁଖ୍ୟ ଭୂମିକାରେ ଏହି ଯୋଡି ନଜର ଆସିବେ । ମେକର୍ସ ନୂଆ ରିଲିଜ ତାରିଖ ସହ ଫିଲ୍ମର ଏକ ମୋଶନ ପୋଷ୍ଟର ଜାରି କରିଛନ୍ତି ।
ଏହି ଅବସରରେ ବାଲାଜୀ ମୋଶନ ପିକ୍ଚର୍ସ ଟ୍ବିଟର ଆକାଉଣ୍ଟରେ ମୋଶନ ପୋଷ୍ଟର ପୋଷ୍ଟ କରିଛି । ଏବେ ପ୍ରସ୍ତୁତ ହୋଇଯାଆନ୍ତି ରାଜକୁମାର ଓ କଙ୍ଗନାଙ୍କ କ୍ରେଜିନେଶ ଦେଖିବାକୁ କ୍ୟାପସନ ମଧ୍ୟ ଲେଖାଯାଇଛି । କାରଣ ଫିଲ୍ମଟି ଜୁନ 21ରେ ରିଲିଜ ହେବାକୁ ଯାଉଛି । ଅନ୍ୟପଟେ ରାଜକୁମାର ମଧ୍ୟ ଇନଷ୍ଟାଗ୍ରାମରେ ପୋଷ୍ଟର ସେୟାର କରିଛନ୍ତି । ସେ କ୍ୟାପସନରେ ଲେଖିଛନ୍ତି, "Madeness has made its cut! ଜୁନ 21ରେ ଫିଲ୍ମଟି ସିନେମାଘରେ । "
ସବୁ ପୋଷ୍ଟର ପରି ଏଥର ପୋଷ୍ଟର ମଧ୍ୟ ପୁରା ଭିନ୍ନ ହୋଇଛି । ପୋଷ୍ଟରେ ଦୁଇ ଷ୍ଟାର୍ସ ନିଜ ନିଜ ଜିଭରେ ବ୍ଲେଡକୁ ବାଲାନ୍ସ କରୁଥିବାର ଦେଖାଯାଇଛନ୍ତି ।
ପ୍ରକାଶ ଥାଉକି ଫିଲ୍ମଟି ପୂର୍ବରୁ ମାର୍ଚ୍ଚ 29ରେ ରିଲିଜ ହେବା ବୋଲି ଶୁଣିବାକୁ ମିଳୁଥିଲା । କିନ୍ତୁ କିଛି ସମସ୍ୟା ପାଇଁ ଫିଲ୍ମର ରିଲିଜ ତାରିଖରେ ପରିବର୍ତ୍ତନ କରାଯାଇଥିଲା । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ନେସନାଲ ଆୱାର୍ଡ ବିଜେତା ଫିଲ୍ମମେକର ପ୍ରକାଶ କୋଭେଲାମୁଡି ।