ମୁମ୍ବାଇ: କିଛି ଦିନରୁ ରାଜନୀତି ଓ ସାମାଜିକ ପ୍ରସଙ୍ଗ ଉପରେ ବୟାନବାଜି କରିଆସୁଥିବା କଙ୍ଗନା ରଣାୱତ ଏବେ ଫିଲ୍ମ ମୁହାଁ ହୋଇଛନ୍ତି । ବାଦବିବାଦକୁ ପଛରେ ରଖି ସେ ଲାଗିପଡିଛନ୍ତି ନିଜ ଅପକମିଂ ଫିଲ୍ମ ‘ତେଜସ’ ପ୍ରସ୍ତୁତିରେ ।
କିଛିଦିନ ପୂର୍ବରୁ ଫିଲ୍ମ ‘ତେଜସ’ରୁ କଙ୍ଗନା ନିଜର ଲୁକ ସେୟାର କରିଥିଲେ । ଏବେ ସେ ଏହି ଫିଲ୍ମକୁ ନେଇ କିଛି ଅଧିକ ତଥ୍ୟ ଦେଇଛନ୍ତି ।
ବର୍ତ୍ତମାନ କଙ୍ଗନା ଟ୍ବିଟରରେ ଏକ ଡ୍ରେସର ଏକ ଫଟୋ ସେୟାର କରି ନିଜର ଭୂମିକା ବିଷୟରେ କହିଛନ୍ତି ଯେ, ଫିଲ୍ମ ‘ତେଜସ’ରେ ମୁଁ ଜଣେ ଶିଖ ସେନା ଅଧିକାରୀଙ୍କ ଭୂମିକାରେ ଆଜର ଆସିବି । ସେ ସେୟାର କରିଥିବା ଫଟୋରେ ‘ତେଜସ ଗିଲ୍’ ଲେଖାଯାଇଛି । ଏହାକୁ ନେଇ ସେ ଲେଖିଛନ୍ତି, ମୁଁ କେବେ ଭାବିନଥିଲି ମୋ ପୋଷାକରେ ନିଜ ଚରିତ୍ରର ପୁରା ନାଁ ପଢିପାରିବି । ଏହାକୁ ଦେଖି ମତେ ବହୁତ ଖୁସି ଲାଗିଥିଲା ।
ପ୍ରକାଶ ଥାଉ ଯେ, ତେଜସ୍ ବ୍ୟତୀତ ଆଗାମୀ ସମୟରେ କଙ୍ଗନାଙ୍କୁ ଫିଲ୍ମ ଥଲାଇବି ଏବଂ ଧାକଡରେ ମଧ୍ୟ ଦେଖିବାକୁ ମିଳିବ ।
