ଜୟଲଳିତାଙ୍କ ଅବିକଳ କଙ୍ଗନା, ଦେଖନ୍ତୁ ଫଟୋ

‘ଥଲାଇଭି’ ଫିଲ୍ମର କଙ୍ଗନା ରଣାୱତଙ୍କ ନୂଆ ଲୁକ ଭାଇରାଲ । ସ୍ବର୍ଗତଃ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜୀବନ ଉପରେ ଆଧାରିତ ଏହି ଫିଲ୍ମ।

ମୁମ୍ବାଇ: ଯେବେଠୁ ଫିଲ୍ମ ‘ଥଲାଇଭି’ ମେକର୍ସ କଙ୍ଗନା ରଣାୱତଙ୍କ ସହ ଫିଲ୍ମର ଘୋଷଣା କରିଛନ୍ତି। ସେହି ସମୟରୁ ଫିଲ୍ମକୁ ନେଇ ଖୁବ୍ ଏକ୍ସାଇଟେଡ ଦର୍ଶକ। ଫ୍ୟାନ୍ସ ଆଶା ବାନ୍ଧିଛନ୍ତି ଯେ ତାମିଲନାଡୁର ପୂର୍ବତନ ସ୍ବର୍ଗୀୟ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜୀବନ ଉପରେ ନିର୍ମାଣ ହେଉଥିବା ବାୟୋପିକ ବକ୍ସ ଅଫିସରେ ହିଟ୍ ସାବ୍ୟସ୍ତ ହେବ। ସେପଟେ କଙ୍ଗନା ମଧ୍ୟ ଫିଲ୍ମ ପାଇଁ ଖୁବ୍ ପରିଶ୍ରମ କରୁଥିବାର ନଜର ଆସୁଛନ୍ତି।

ଫଟୋ ସୌଜନ୍ୟ: ଟ୍ବିଟର@ରଙ୍ଗୋଲୀ ଚାନ୍ଦେଲ

ନିକଟରେ ଯେତେବେଳେ ‘ଥଲାଇଭି’ ଫିଲ୍ମରୁ କଙ୍ଗନାଙ୍କ ଫାଷ୍ଟଲୁକ ପୋଷ୍ଟର ଜାରି ହୋଇଥିଲା, ସମସ୍ତେ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । କାରଣ ଅବିକଳ ଜୟଲଳିତାଙ୍କ ଭଳି ନଜର ଆସୁଥିଲେ କଙ୍ଗନା। ଏବେ ଜୟଲଳିତାଙ୍କ ଜୟନ୍ତିରେ ଫିଲ୍ମରୁ କଙ୍ଗନାଙ୍କ ଦ୍ବିତୀୟ ପୋଷ୍ଟର ଜାରି କରାଯାଇଛି।

ଯାହାକୁ କଙ୍ଗନାଙ୍କ ଭଉଣୀ ରଙ୍ଗୋଲୀ ଚାନ୍ଦେଲ ଟ୍ବିଟରରେ ସେୟାର କରିଛନ୍ତି। ବର୍ତ୍ତମାନ କଙ୍ଗନାଙ୍କ ଏହି ନୂଆ ଲୁକ ଖୁବ୍ ଭାଇରାଲ ହେବାରେ ଲାଗିଛି। ଏଥର ମଧ୍ୟ କଙ୍ଗନା ଅବିକଳ ଜୟଲଳିତାଙ୍କ ଭଳି ଦେଖାଯାଉଛନ୍ତି।

ଫଟୋ ସେୟାର କରି ରଙ୍ଗୋଲୀ ଲେଖିଛନ୍ତି, ‘ଥଲାଇଭିଙ୍କ ରୂପରେ ନଜର ଆସୁଛନ୍ତି କଙ୍ଗନା। ବିନା କୌଣସି ପ୍ରୋସ୍ଥୋଟିକ ଓ ସ୍ପେଶାଲ ଇଫେକ୍ଟସରେ। ସେ ଅବିକଳ ଜୟଲଳିତାଙ୍କ ଭଳି ଦେଖାଯାଉଛନ୍ତି । ତାଙ୍କ ପରିଶ୍ରମ ଦ୍ବାରା ଏହା ସମ୍ଭବ ହୋଇଛି । ପରିଶ୍ରମ ଦ୍ବାରା ସବୁ କିଛି ଦୁନିଆରେ ହାସିଲ କରି ହେବ ।’