ସିମଲା: ଆମେରିକା ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କୁ ମାତ ଦେଇ ବୃହତ ବିଜୟ ହାସଲ କରିଛନ୍ତି ଡେମୋକ୍ରାଟ ପାର୍ଟି ନେତା ଜୋ ବିଡେନ । ବିଶ୍ବର ଶକ୍ତିଶାଳୀ ଦେଶର ନୂଆ ରାଷ୍ଟ୍ରପତିଙ୍କୁ ନେଇ ଏବେ ଚାରିଆଡେ ଚର୍ଚ୍ଚା । ବିଡେନଙ୍କ ବିଜୟକୁ ନେଇ ଛୁଟିବାରେ ଲାଗିଛି ଶୁଭେଚ୍ଛାର ସୁଅ । ଏହାରି ମଧ୍ୟରେ ଆମେରିକାର ନବନିର୍ବାଚିତ ରାଷ୍ଟ୍ରପତିଙ୍କୁ ନେଇ ନିଜର ପ୍ରତିକ୍ରିୟା ରଖିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରଣାୱତ ।
ନିଜ ବୟାନକୁ ନେଇ ସବୁବେଳେ ଚର୍ଚ୍ଚାରେ ରହିଆସିଥିବା ଅଭିନେତ୍ରୀ କଙ୍ଗନା ରଣାୱତ ଏଥର ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବିଡେନଙ୍କୁ କରିଛନ୍ତି ଟାର୍ଗେଟ । ଗୋଟିଏ ପକ୍ଷେ କଙ୍ଗନା ଆମେରିକା ନିର୍ବାଚନରେ ବିଜୟ ହାସଲ କରିଥିବା ଭାରତୀୟ ବଂଶୋଦ୍ଭବ କମଲା ହାରିସଙ୍କୁ ଶୁଭେଚ୍ଛା ଜଣାଇବା ସହ ଅନ୍ୟପକ୍ଷେ ବିଡେନଙ୍କୁ କରିଛନ୍ତି କଟାକ୍ଷ । ଏପରିକି ଆମେରିକା ରାଷ୍ଟ୍ରପତି ବିଡେନଙ୍କୁ ଗଜନୀ କହିଛନ୍ତି କଙ୍ଗନା ।