ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କ ଫ୍ୟାନ୍ସ ସବୁବେଳେ ସୋସିଆଲ ମିଡିଆରେ ତାଙ୍କର ପ୍ରଶଂସା କରିଥାଆନ୍ତି । ତାଙ୍କୁ ଲକ୍ଷ ଲକ୍ଷ ଫ୍ୟାନ୍ସ ପସନ୍ଦ କରୁଥିବା ବେଳେ ଜଣେ ଅଭିନେତା ତାଙ୍କୁ ସବୁବେଳେ ସୋସିଆଲ ମିଡିଆରେ ଟାର୍ଗେଟ କରୁଥିବା ନଜର ଆସୁଛନ୍ତି । ଏହା ପ୍ରଥମ ଥର ହୋଇନାହିଁ ଯେବେ ସଲମାନଙ୍କୁ ଟାର୍ଗେଟ କରିଛନ୍ତି ସେ । ପୂର୍ବରୁ ମଧ୍ୟ ଅନେକ ଥର ସେ ଭାଇଜାନଙ୍କୁ କଟୁ କଥା ଶୁଣାଇଛନ୍ତି ।
ଫଟୋ ସୌଜନ୍ୟ: ଟ୍ବିଟର@କମାଲ ଆର ଖାନ ସଲମାନଙ୍କୁ ସବୁବେଳେ ଟାର୍ଗେଟ କରୁଥିବା ଅଭିନେତା ଆଉ କେହି ନୁହଁନ୍ତି, ସେ ହେଲେ ପ୍ରଯୋଜକ କମାଲ ଆର ଖାନ। ସେ ପୁଣି ଥରେ ସଲମାନଙ୍କ ଉପରେ କଡା ପ୍ରତିକ୍ରିୟା ରଖିଛନ୍ତି । ବର୍ତ୍ତମାନ ସୋସିଆଲ ମିଡିଆରେ ତାଙ୍କ ଏକ ଟ୍ବିଟ ଖୁବ୍ ଭାଇରାଲ ହେବାରେ ଲାଗିଛି।
ଯେଉଁଥିରେ ସେ ଲେଖିଛନ୍ତି, ‘ଭାଇ ସଲମାନ ପାଖାପାଖି 34 ହଜାର ଲୋକ ଏହି ସର୍ଭେରେ ଭୋଟ ଦେଇଛନ୍ତି । ହେଲେ 56 ପ୍ରତିଶତ ଲୋକ ଆପଣଙ୍କଠାରୁ ମତେ ଅଧିକ ସଚ୍ଚୋଟ କହିଛନ୍ତି । ଏହାର ମାନେ ହେଲା ଏମାନେ ଆପଣଙ୍କଠୁ ମତେ ଅଧିକ ଭଲ ପାଉଛନ୍ତି । ଆପଣଙ୍କ ଷ୍ଟାରଡମ ଶେଷ ହୋଇଗଲାଣି ଭାଇ।’
ପ୍ରକାଶ ଥାଉ କି ଏହି ଟ୍ବିଟ କମାଲଙ୍କ ଦ୍ବାରା କିଛି ଦିନ ପୂର୍ବରୁ କରାଯାଇଥିବା ଏକ ସର୍ଭେର ଫଳାଫଳ ଉପରେ ଆଧାରିତ ଥିଲା । ଯେଉଁଥିରେ ଟ୍ବିଟ ଜରିଆରେ ନିଜ ବିଶ୍ବସନୀୟତାକୁ ପରୀକ୍ଷା କରିବାର କଥା କୁହାଯାଇଥିଲା । ବର୍ତ୍ତମାନ କମାଲଙ୍କ ଏହି ଟ୍ବିଟ ଉପରେ ଦୁଇ ପ୍ରକାର ପ୍ରତିକ୍ରିୟା ଦେଖିବାକୁ ମିଳୁଛି । କିଛି ସମଲମାନଙ୍କୁ ସପୋର୍ଟ କରୁଥିବା ବେଳେ ଆଉ କିଛି କମାଲଙ୍କ ସପକ୍ଷରେ ନଜର ଆସୁଛନ୍ତି ।
କମାଲ ଛୋଟ ପରଦାର ରିୟାଲିଟି ଶୋ ‘ବିଗ ବସ 3’ ପ୍ରତିଯୋଗୀ ରୂପେ ନଜର ଆସିଥିଲେ । ଯାହାପରେ ତାଙ୍କ ଚର୍ଚ୍ଚା ଖୁବ୍ ହୋଇଥିଲା । ସେ ପ୍ରାୟତଃ ସୋସିଆଲ ମିଡିଆରେ ଖୁବ୍ ଆକ୍ଟିଭ ନଜର ଆସନ୍ତି । ପୂର୍ବରୁ ମଧ୍ୟ ସେ ଅନେକ କଳାକାରଙ୍କୁ ଟାର୍ଗେଟ କରିସାରିଛନ୍ତି ।
