ନୂଆଦିଲ୍ଲୀ: ଫିଲ୍ମ ନିର୍ମାତା କରନ ଜୋହରଙ୍କ ବହୁ ଚର୍ଚ୍ଚିତ ମଲ୍ଟି ଷ୍ଟାରର ଫିଲ୍ମ 'କଲଙ୍କ' ବର୍ତ୍ତମାନ ରିଲିଜ ହେବାକୁ ପ୍ରସ୍ତୁତ ହୋଇସାରିଲାଣି । ଫିଲ୍ମଟି ଏମାସର 17ରେ ରିଲିଜ ହେବାକୁ ଯାଉଛି । ଯାହାର ପ୍ରମୋଶନରେ ଜୁଟି ଯାଇଛନ୍ତି ଷ୍ଟାରକାଷ୍ଟ । ଫିଲ୍ମ ରିଲିଜକୁ ଦୃଷ୍ଟିରେ ରଖି ବରୁଣ ଓ ଆଲିୟା ନିକଟରେ ପଞ୍ଜାବର ଜଲନ୍ଧରରେ ପହଞ୍ଚିଥିଲେ । ସେଠାରେ ଦୁଇଜଣ ହଜାର ହଜାର ଫ୍ୟାନ୍ସଙ୍କୁ ସାକ୍ଷାତ କରିବା ସହ ତାଙ୍କ ସାମ୍ନାରେ ଜବରଦସ୍ତ ପରଫର୍ମ ମଧ୍ୟ କରିଥିଲେ । ବରୁଣ ଓ ଆଲିୟା ଏହି ସମୟରେ ଫିଲ୍ମ ପ୍ରମୋଶନରେ ଖୁବ୍ ବ୍ୟସ୍ତ ଅଛନ୍ତି ।
ସେଠାରେ ଦୁଇ ଷ୍ଟାର ପହଞ୍ଚିବା ମାତ୍ରେ ଦର୍ଶକଙ୍କ ଭିଡ ଜମିଥିଲା । ସେହି ସମୟରେ ଦୁଇଜଣ ପିଙ୍କ ଏବଂ ବ୍ଲୁ ସେଡର ଟ୍ରାଡିଶନଲ ଲୁକରେ ନଜର ଆସିଥିଲେ । ବରୁଣ ଇଣ୍ଡିଆନ ଗେଟଅପକୁ ଯଦି ଦେଖିବା ତେବେ, ତାଙ୍କ ପୋଷାକ ସହ ବ୍ଲାକ ବୁଟସ ତାଙ୍କ ଲୁକକୁ ଆହୁରି ଶାନଦାର କରୁଥିଲା ।