ନୂଆଦିଲ୍ଲୀ: ଶୁକ୍ରବାର ନୂଆ ଜୀବନ ଆରମ୍ଭ କରିବେ ସାଉଥର ଲୋକପ୍ରିୟ ଅଭିନେତ୍ରୀ କାଜଲ ଅଗ୍ରୱାଲ । ସିଙ୍ଘମ୍ ଅଭିନେତ୍ରୀ ବିଜନେସମ୍ୟାନ ଗୌତମ କିଚଲୁଙ୍କ ସହ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି ।
ବିବାହକୁ ନେଇ କାଜଲ ବହୁତ ଉତ୍ସାହିତ ଅଛନ୍ତି । କୋରୋନା କାରଣରୁ ସେମାନେ ବ୍ୟକ୍ତିଗତ ସମାରୋହରେ ବିବାହ କରୁଛନ୍ତି । କାଜଲ ସୋସିଆଲ ମିଡିଆରେ ପ୍ରଶଂସକଙ୍କ ସହ ବିବାହ ସମ୍ବନ୍ଧୀୟ ପ୍ରତ୍ୟେକ ରୀତିନୀତିର ଫଟୋ ସେୟାର କରୁଛନ୍ତି । ସେ ତାଙ୍କର ସମସ୍ତ ଖୁସିରେ ତାଙ୍କ ପ୍ରଶଂସକଙ୍କ ସହ ଯୋଗ ଦେଉଛନ୍ତି ।
ବର୍ତ୍ତମାନ କାଜଲ ବିବାହ ପୂର୍ବରୁ ଦୁଲହନ ଗେଟଅପ୍ ରେ ତାଙ୍କର ଫାଷ୍ଟ ଲୁକର ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଫଟୋରେ କାଜଲ ବ୍ରାଇଡାଲ ମେକ୍ଅପ୍ ରେ ନଜର ଆସିଛନ୍ତି । ଫଟୋରେ ଲେହେଙ୍ଗାର ଝଲକ ମଧ୍ୟ ଦେଖିବାକୁ ମିଳୁଛି । ବ୍ରାଇଡାଲ ବେଶରେ କାଜଲ ବହୁତ ସୁନ୍ଦର ଦେଖାଯାଉଛନ୍ତି ।