ମୁମ୍ବାଇ: କିଙ୍ଗ ଶାହରୁଖ ଖାନ ହୁଏତଃ ଅଭିନୟ ଠାରୁ ଏବେ ଦୂରେଇ ଅଛନ୍ତି। ହେଲେ ସେ ବର୍ତ୍ତମାନ ଅନେକ ଫିଲ୍ମ ନିର୍ମାଣ ପ୍ରୋଜେକ୍ଟରେ କାମ କରୁଛନ୍ତି । ତାଙ୍କ ପ୍ରଡକ୍ସନ ହାଉସରେ ନିର୍ମାଣ ହେଉଥିବା ଫିଲ୍ମ ‘କାମୟାବ’ ଦୀର୍ଘ ସମୟରୁ ଚର୍ଚ୍ଚାରେ। ମଙ୍ଗଳବାର ଫିଲ୍ମର ଜବରଦସ୍ତ ଟ୍ରେଲର ରିଲିଜ କରିଦିଆ ଯାଇଛି।
ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରୁଛନ୍ତି ସଞ୍ଜୟ ମିଶ୍ରା। ଟ୍ରେଲରରେ ତାଙ୍କ ଦମଦାର ଅଭିନୟ ଦେଖିବାକୁ ପାଇଛନ୍ତି ଦର୍ଶକ। ସଞ୍ଜୟ ପୂର୍ବରୁ ଅନେକ ଫିଲ୍ମରେ ସହ-ଅଭିନେତା ରୂପେ କାମ କରିସାରିଛନ୍ତି। ହେଲେ ପ୍ରଥମଥର ସେ ଏହି ଫିଲ୍ମରେ ମୁଖ୍ୟ ଅଭିନେତା ରୂପେ କାମ କରୁଛନ୍ତି।
ଫିଲ୍ମରେ ତାଙ୍କ ଭୂମିକା ମଧ୍ୟ ଜଣେ ଅଭିନେତାର । ଯିଏ 499 ଫିଲ୍ମରେ କାମ କରିସାରିଛନ୍ତି ଆଉ 500ତମ ଫିଲ୍ମର ଅପେକ୍ଷାରେ ଅଛନ୍ତି। ଫିଲ୍ମ ଟ୍ରେଲରେ ଜଣେ ଅଭିନେତାର ସଂଘର୍ଷ କାହାଣୀକୁ ପର୍ଯ୍ୟବେଶିତ କରାଯାଇଛି।
ଟ୍ରେଲର ରିଲିଜ ଅବସରରେ ଶାହରୁଖ କହିଥିଲେ ଯେ ଫିଲ୍ମରେ କୌଣସି ରୋଲ ଏକ୍ସଟ୍ରା ହୋଇନଥାଏ। କଳାକାରଙ୍କ ମଧ୍ୟରେ ଅସାଧାରଣ ଯୋଗଦାନ ରହିବାରଲ ଆବଶ୍ୟକ ଅଛି । ଯାହାପରେ ଫିଲ୍ମ ‘କାମୟାବ’ ହୋଇଥାଏ।
ପ୍ରକାଶ ଥାଉକି ଫିଲ୍ମରେ ସଞ୍ଜୟଙ୍କ ବ୍ୟତୀତ ଦୀପକ ଡୋବରିୟାଲ ମଧ୍ୟ ଅଛନ୍ତି। ଶାହରୁଖ ଏହି ଫିଲ୍ମ ବ୍ୟତୀତ ଆଉ ଏକ ଫିଲ୍ମ ‘ବବ ବିଶ୍ବାସ’ର ମଧ୍ୟ ପ୍ରଯୋଜନା ଦାୟିତ୍ବ ତୁଲାଇବେ। ଏହି ଫିଲ୍ମର ଭୂମିକା ଅଭିନେତ୍ରୀ ବିଦ୍ୟା ବାଲନଙ୍କ କାହାଣୀ ଉପରେ ଆଧାରିତ। ଫିଲ୍ମରେ ଅଭିଷେକ ବଚ୍ଚନ ମୁଖ୍ୟ ଭୂମିକାରେ ନଜର ଆସିବେ।
