ମୁମ୍ବାଇ: ବଲିଉଡରେ ଫିଲ୍ମ 'ଧଡକ' ଜରିଆରେ ଏଣ୍ଟ୍ରି କରିଥିବା ନ୍ୟୁକମର ଅଭିନେତ୍ରୀ ଜାହ୍ନବୀ କପୁର ବର୍ତ୍ତମାନ ନିଜର ଅପକମିଂ ଫିଲ୍ମ ସୁଟିଂରେ ବ୍ୟସ୍ତ ଅଛନ୍ତି । ସେ ଏବେ ଅନେକ ବଡ ବଜେଟ ଫିଲ୍ମରେ ସାଇନ କରିସାରିଛନ୍ତି । ଅନ୍ୟପଟେ ଆଇଏଏଫ ପାଇଲଟ ଗୁଞ୍ଜନ ସକ୍ସେନା ଉପରେ ତିଆରି ହେବାକୁ ଯାଉଥିବା ବାୟୋପିକରେ ମୁଖ୍ୟ ଭୂମିକାରେ ନଜର ଆସିବେ ଜାହ୍ନବୀ ।
ଫିଲ୍ମର ସୁଟିଂ ପାଖାପାଖି ଶେଷ ହେବାକୁ ଅଛି । କିନ୍ତୁ ହଠାତ୍ ଫିଲ୍ମ ସୁଟିଂରେ ବ୍ରେକ ଲଗାଯିବା ଖବର ସାମ୍ନାକୁ ଆସିଛି । ତେବେ ଏହି କାରଣ ପାଇଁ ଦର୍ଶକଙ୍କୁ ଆଉ କିଛି ଦିନ ଫିଲ୍ମ ଦେଖିବାକୁ ଅପେକ୍ଷା କରିବାକୁ ପଡିବ ।
କଥାଟି ହେଲା କି ଫିଲ୍ମର ଆଉ ଅବଶିଷ୍ଟ ସୁଟିଂ ପାଇଁ ଜାହ୍ନବୀ ଲକ୍ଷ୍ନୌରେ ପହଞ୍ଚିଥିଲେ କିନ୍ତୁ ହଠାତ୍ ସେଠାରେ ଫିଲ୍ମର ସୁଟିଂ ବନ୍ଦ କରିଦିଆଯାଇଥିଲା । ପ୍ରକାଶ ଥାଉକି ସେଠାକାର ପାଣିପାଗ ଖରାପ ଥିବାରୁ ମେକର୍ସଙ୍କୁ ଫିଲ୍ମର ସୁଟିଂ ରୋକିବାକୁ ପଡିଥିଲା । ଲକ୍ଷ୍ନୌର ପାଣିପାଗ ବିଭାଗରୁ ସୂଚନା ମିଳିଥିଲା କି ସେଠାକାର ପାଣିପଗ ଖରାପ ହେବାକୁ ଯାଉଛି । ଏପରି ପରିସ୍ଥିତିରେ ଫିଲ୍ମର ସୁଟିଂ କରିବା କଷ୍ଟ ଦାୟକ ଥିଲା ।
ଏଥିପାଇଁ ମେକର୍ସ ଫିଲ୍ମର ସୁଟିଂ କ୍ୟାନସଲ କରିଦେଇଥିଲେ । ଖବର ଅନୁଯାୟୀ ଲକ୍ଷ୍ନୌରେ ଫିଲ୍ମର କ୍ଲାଇମେକ୍ସ ସୁଟ କରାଯିବାର ଅଛି । ଏବେ କିଛି ଦିନ ପାଇଁ ଫିଲ୍ମର ସୁଟିଂକୁ ସ୍ଥଗିତ ରଖାଯାଇଛି ।