ହାଇଦ୍ରାବାଦ: ସାଉଥ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ସୂର୍ଯ୍ୟାଙ୍କୁ ଶେଷ ଥର ପାଇଁ ଫିଲ୍ମ 'ଜୟ ଭୀମ'ରେ ଦେଖିବାକୁ ମିଳିଥିଲା, ଯାହାକୁ ବହୁତ ପ୍ରଶଂସା କରାଯାଇଥିଲା । ଚଳଚ୍ଚିତ୍ରର କାହାଣୀଠାରୁ ଆରମ୍ଭ କରି କଳାକାରଙ୍କ ଅଭିନୟ ପର୍ଯ୍ୟନ୍ତ ଲୋକମାନେ ଏହାକୁ ବହୁତ ପସନ୍ଦ କରିଛନ୍ତି । ବର୍ତ୍ତମାନ ଏହି ଫିଲ୍ମକୁ ନେଇ ଆଉ ଏକ ଭଲ ଖବର ଆସିଛି । ଏହି ଚଳଚ୍ଚିତ୍ରଟି ଆଉ ଏକ ନୂଆ ରେକର୍ଡ ନିଜ ନାଁରେ କରିଛି।
ଚଳଚ୍ଚିତ୍ର 'ଜୟ ଭୀମ' ଓସ୍କାରର ୟୁଟ୍ୟୁବ ଚ୍ୟାନେଲରେ ସ୍ଥାନ ପାଇଛି । ଏହି ଚଳଚ୍ଚିତ୍ରକୁ ଏକାଡେମିକ୍ ଆଓ୍ବାର୍ଡର ୟୁଟ୍ୟୁବ୍ ଚ୍ୟାନେଲରେ ଦେଖାଯାଇଛି । ଏହା ହେଉଛି ପ୍ରଥମ ତାମିଲ ଚଳଚ୍ଚିତ୍ର, ଯାହାକୁ ଏହି ସୁଯୋଗ ମିଳିଛି । 'ଜୟ ଭୀମ' ଗୋଲଡେନ୍ ଗ୍ଲୋବସ୍ 2022 ରେ ବେଷ୍ଟ ନନ୍ ଇଂଗ୍ଲିସ୍ ଚଳଚ୍ଚିତ୍ର ବର୍ଗରେ ଏକ ଅଫିସିଆଲ୍ ଏଣ୍ଟ୍ରି ନେଇସାରିଛି । କେବଳ ଏତିକି ନୁହେଁ, ଏହି ଚଳଚ୍ଚିତ୍ରଟି IMDb ରେ 9.6 ରେଟିଂ ସହିତ ଅନେକ ରେକର୍ଡ ଭାଙ୍ଗିଛି ।