ଜଗଦୀପଙ୍କ ନିଧନରେ ଭାବୁକ ହିମ୍ୟାନ

ସୋସିଆଲ ମିଡିଆରେ ପୋଷ୍ଟ କରି ଜଗଦୀପଙ୍କୁ ଶ୍ରଦ୍ଧାଞ୍ଜଳୀ ଦେଲେ ଧର୍ମେନ୍ଦ୍ର । ଏହାସହ ସେୟାର କଲେ ତାଙ୍କର ଏକ କମେଡି ଭିଡିଓ...

ମୁମ୍ବାଇ: ନିଜ ଶାନଦାର ଅଭିନୟ ଓ ଜବରଦସ୍ତ କମେଡି ଜରିଆରେ ଲକ୍ଷ ଲକ୍ଷ ଦର୍ଶକଙ୍କୁ ମନୋରଞ୍ଜନ କରୁଥିବା ଲୋକପ୍ରିୟ ଅଭିନେତା ଜଗଦୀପ ଦୁନିଆ ଛାଡି ଚାଲିଯାଇଛନ୍ତି । ତାଙ୍କର ମୃତ୍ୟୁ 81 ବର୍ଷ ବୟସରେ ହୋଇଛି । ସେ ବଲିଉଡର ଅନେକ ଫେମସ କଳାକାରଙ୍କ ସହ କାମ କରିଥିଲେ । ଏହି କ୍ରମରେ ସାମିଲ ଅଛନ୍ତି ବି-ଟାଉନର ହିମ୍ୟାନ ଧର୍ମେନ୍ଦ୍ର । ଜଗଦୀପଙ୍କ ମୃତ୍ୟୁରେ ଭାଙ୍ଗିପଡିଛନ୍ତି ସେ । ଦୁଇଜଣ ମିଶି ବଲିଉଡକୁ ଅନେକ ଶାନଦାର ଫିଲ୍ମ ଦେଇଥିଲେ ।

ଧର୍ମେନ୍ଦ୍ର ତାଙ୍କ ଦେହାନ୍ତରେ ଭାବୁକଭରା ପୋଷ୍ଟ ସେୟାର କରି ଲେଖିଛନ୍ତି, ‘ତୁମେ ବି ଚାଲିଗଲ । ଝଟକା ପରେ ଝଟକା । ତୁମକୁ ସ୍ବର୍ଗ ମିଳୁ ।’ ପୋଷ୍ଟ ଦ୍ବାରା ସେ ଜଗଦୀପଙ୍କୁ ଶ୍ରଦ୍ଧାଞ୍ଜଳୀ ଦେଇଛନ୍ତି ।

ଏହି ଟ୍ବିଟ ବ୍ୟତୀତ ଧର୍ମେନ୍ଦ୍ର, ଜଗଦୀପଙ୍କ ଏକ କମେଡି ଭିଡିଓ ସେୟାର କରିଛନ୍ତି । ଯେଉଁଥିରେ ତାଙ୍କ ସହ ଜଗଦୀପ ଓ ରଜା ମୁରାଦ ନଜର ଆସୁଛନ୍ତି । ପ୍ରକାଶ ଥାଉକି ନିକଟରେ ବଲିଉଡର ଲୋକପ୍ରିୟ କୋରିଓଗ୍ରାଫର ସରୋଜ ଖାନଙ୍କ ମଧ୍ୟ 81 ବର୍ଷ ବୟସରେ ଦେହାନ୍ତ ହୋଇଥିଲା ।