ମୁମ୍ବାଇ: ଶ୍ରୀଲଙ୍କା ସୁନ୍ଦରୀ ଜ୍ୟାକଲିନ ଫର୍ଣ୍ଣାଡେସ ଓ ମନୋଜ ବାଜପେୟୀ ଖୁବଶୀଘ୍ର ନେଟଫ୍ଲିକ୍ସର ଆଗାମୀ ଥ୍ରିଲର ଫିଲ୍ମ ‘ମିସେସ ସିରିୟଲ କିଲର’ରେ ନଜର ଆସିବେ। ଯାହାର ଚର୍ଚ୍ଚା ଦୀର୍ଘ ସମୟରୁ ଚାଲିଛି। ଲକଡାଉନ ମଧ୍ୟରେ ଏହି ଯୋଡି ଫ୍ୟାନ୍ସଙ୍କୁ ଦେଇଛନ୍ତି ସରପ୍ରାଇଜ। ଫିଲ୍ମର ପ୍ରିମିୟର ମେ 1ରେ ନେଟଫ୍ଲକ୍ସିରେ ହେବାକୁ ଯାଉଛି । ଆଉ ଏବେ ଫିଲ୍ମର ଫାଷ୍ଟଲୁକ ପୋଷ୍ଟ ଜାରି ହୋଇଯାଇଛି। ଏହାସହ ଶୁକ୍ରବାର ଫିଲ୍ମର ଟ୍ରେଲର ରିଲିଜ ହେବାର ସୂଚନା ମଧ୍ୟ ଦିଆଯାଇଛି ।
ଜ୍ୟାକଲୀନ ଓ ମନୋଜ ଫ୍ୟାନ୍ସଙ୍କୁ ଏହାର ସୂଚନା ସୋସିଆଲ ମିଡିଆରେ ଦେଇଛନ୍ତି। ଜ୍ୟାକଲୀନଙ୍କ ଫାଷ୍ଟଲୁକ ପୋଷ୍ଟରେ ତାଙ୍କ ବ୍ୟାକସାଉଟ ଦେଖିବାକୁ ମିଳୁଥିବା ବେଳେ ମନୋଜ ସାଧାରଣ ବ୍ୟକ୍ତି ପରି ନଜର ଆସୁଛନ୍ତି। ଆଉ ତାଙ୍କ ପଛରେ ପୋଲିସ କର୍ମୀ ଠିଆ ହୋଇଛନ୍ତି।