ସାମ୍ନାକୁ ଆସିଲା 'ଜବରିୟା ଯୋଡି'ର ରିଲିଜ ତାରିଖ

ଅଗଷ୍ଟ 2ରେ ରିଲିଜ ହେବାକୁ ଯାଉଛି ସିଦ୍ଧାର୍ଥ ଓ ପରିଣୀତିଙ୍କ ଆଗାମୀ ଫିଲ୍ମ 'ଜବରିୟା ଯୋଡି' । ଗତ ଅଗଷ୍ଟ ମାସରେ ଆରମ୍ଭ ହୋଇଥିଲା ଫିଲ୍ମର ସୁଟିଂ ।

ମୁମ୍ବାଇ: ସିଦ୍ଧାର୍ଥ ମାଲହୋତ୍ରା ଓ ପରିଣୀତି ଚୋପ୍ରାଙ୍କ ଅପକମିଂ ଫିଲ୍ମ 'ଜବରିୟା ଯୋଡି'ର ସୁଟିଂ ବର୍ତ୍ତମାନ ଜୋରସୋରରେ ଚାଲିଛି । ଏବେ ଫିଲ୍ମର ରିଲିଜ ତାରିଖ ନିର୍ଦ୍ଧାରିତ ହୋଇଯାଇଛି । ଫିଲ୍ମଟି ଅଗଷ୍ଟ 2ରେ ବଡ ପରଦାରେ ଦେଖିବାକୁ ମିଳିବ । ଫିଲ୍ମର ନିର୍ଦ୍ଦେଶନା ଦାୟିତ୍ବ ପ୍ରଶାନ୍ତ ସିଂହ ତୁଲାଉଛନ୍ତି । ଅନ୍ୟପଟେ ଫିଲ୍ମର ନିର୍ମାଣ ଏକତା କପୁର କରୁଛନ୍ତି । ଦୀର୍ଘ ସମୟରୁ ଏହି ଫିଲ୍ମର ସୁଟିଂ ଚାଲିଆସୁଛି ।

ଫିଲ୍ମର ସୁଟିଂ ଲକ୍ଷ୍ନୌରେ ଗତ ବର୍ଷ ଅଗଷ୍ଟରେ ଆରମ୍ଭ ହୋଇଥିଲା । ସେହି ସମୟରେ ଫିଲ୍ମର ଫାଷ୍ଟ ଲୁକ ମଧ୍ୟ ସାମ୍ନାକୁ ଆସିଥିଲା ।

ଫିଲ୍ମର କାହାଣୀ ବିହାରର ପକଡ଼ୱା ବିବାହ ଉପରେ ଆଧାରିତ । ଯେଉଁଥିରେ ପୁଅମାନଙ୍କ ବିବାହ ଜବରଦସ୍ତି କରାଯାଇଥାଏ । ମୁଖ୍ୟକଥା ଏହା ହେଲା କି ପ୍ରଥମଥର ଫିଲ୍ମରେ ସିଦ୍ଧାର୍ଥଙ୍କୁ ଭୋଜପୁରୀ ପୁଅ ଭୂମିକାରେ ଦେଖିବାକୁ ମିଳିବ । ଏହାପାଇଁ ସେ ଭୋଜପୁରୀ ଭାଷାର ଫୁଲ ଟ୍ରେନିଂ ମଧ୍ୟ ନେଇଛନ୍ତି । ଅନ୍ୟପଟେ ପରିଣୀତି ମଧ୍ୟ ଫିଲ୍ମରେ ଭୋଜପୁରୀ କହୁଥିବାର ନଜର ଆସିବେ ।

ପ୍ରକାଶ ଥାଉକି ଫିଲ୍ମର ଟାଇଟଲ ପୂର୍ବରୁ 'ଶଟଗନ ସାଦୀ' ରଖାଯାଇଥିଲା । କିନ୍ତୁ ପରେ ଏହାକୁ ପରିବର୍ତ୍ତନ କରାଯାଇ 'ଜବରିୟା ଯୋଡି' ରଖାଗଲା ।