ହାଇଦ୍ରାବାଦ: ବଲିଉଡ ଇଣ୍ଡଷ୍ଟ୍ରୀର ଭାଇଜାନ ଅର୍ଥାତ୍ ସଲମାନ ଖାନ ସାଉଥ ସିନେମାରେ ଡେବ୍ୟୁ କରିବାକୁ ଯାଉଛନ୍ତି । ସାଉଥ ଫିଲ୍ମ ଇଣ୍ଡଷ୍ଟ୍ରୀର ସୁପରଷ୍ଟାର ଚିରଞ୍ଜୀବୀଙ୍କ ସହ ସଲମାନ ଖାନ ତଙ୍କର ଆଗାମୀ ଫିଲ୍ମ 'ଗଡଫାଦର'ରେ ନଜର ଆସିବେ। ଏହି ଚଳଚ୍ଚିତ୍ରରେ ସଲମାନ ଖାନ ଏକ ପ୍ରମୁଖ ଭୂମିକାରେ ଅଭିନୟ କରିବେ। ଅତୀତରେ ଚିରଞ୍ଜିବୀ ଏହି ଚଳଚ୍ଚିତ୍ରରେ ସଲମାନ ଖାନଙ୍କୁ ଆନୁଷ୍ଠାନିକ ଭାବେ ସ୍ୱାଗତ କରିଥିଲେ । ତାଙ୍କର ଏକ ଫଟୋ ମଧ୍ୟ ସାମ୍ନାକୁ ଆସିଥିଲା । ଏଥି ସହିତ ବର୍ତ୍ତମାନ ସଲମାନ ଖାନ ଏବଂ ଚିରଞ୍ଜିବୀଙ୍କ ଏକ ନୂଆ ଫଟୋ ଏହି ଚଳଚ୍ଚିତ୍ରର ସେଟରୁ ସାମ୍ନାକୁ ଆସିଛି, ଯାହାକୁ ଦେଖି ପ୍ରଶଂସକମାନେ ବହୁତ ଖୁସି ଅଛନ୍ତି ଏବଂ ଏହା ଉପରେ ମଜାଳିଆ କମେଣ୍ଟ ଦେଉଛନ୍ତି ।
ସଲମାନ ଖାନ ଏବଂ ଚିରଞ୍ଜିବୀଙ୍କ ଏହି ଫଟୋକୁ ସୋସିଆଲ ମିଡିଆରେ ପ୍ରଶଂସକମାନେ ପସନ୍ଦ କରୁଛନ୍ତି। ଉଭୟ ସୁପରଷ୍ଟାରଙ୍କୁ ଏକାଠି ଦେଖି ପ୍ରଶଂସକମାନେ ଫିଲ୍ମକୁ ନେଇ ଅଧିକ ଉତ୍ସାହିତ ଅଛନ୍ତି । କିଛି ୟୁଜର ଏହି ଫଟୋରେ ଲେଖିଛନ୍ତି, 'ଭାଇ ସହିତ ବସ୍' । ଏହି ସମୟରେ, ଆଉ କିଛି ୟୁଜର ଲେଖିଛନ୍ତି, ପରଦାରେ ଦୁଇଟି ମେଗା ଷ୍ଟାର ଏକାଠି ।