ଦୁଇ ବର୍ଷ ପରେ ରିଲିଜ ହେବ ଇରଫାନଙ୍କ ‘ଅପନୋଂ ସେ ବେୱଫାଇ’

‘ଅଙ୍ଗ୍ରେଜୀ ମିଡିୟମ’ ପରେ ରିଲିଜ ହେବାକୁ ଯାଉଛି ଇରଫାନ ଖାନଙ୍କ ଦୁଇ ବର୍ଷ ପୁରୁଣା ଫିଲ୍ମ ‘ଅପନୋଂ ସେ ବେୱଫାଇ’। ଆର୍ଥିକ ସମସ୍ୟା ପାଇଁ ଫିଲ୍ମକୁ ଏଯାବତ ରିଲିଜ କରିପାରିନଥିଲେ ମେକର୍ସ।

ମୁମ୍ବାଇ: ଫେମସ ଆକ୍ଟର ଓ ଇଣ୍ଟରନ୍ୟାସନାଲ ଷ୍ଟାର ଇରଫାନ ଖାନ ଫିଲ୍ମ ‘ଅଙ୍ଗ୍ରେଜୀ ମିଡିୟମ’ ଜରିଆରେ ପରଦାରେ ପୁଣି ନିଜ ଯାଦୁ ଦେଖାଇବାକୁ ଯାଉଛନ୍ତି। ଏହି ଫିଲ୍ମ ଦେଖିବାକୁ ଦୀର୍ଘ ସମୟରୁ ଏକ୍ସାଇଟେଡ ଫ୍ୟାନ୍ସ। ଆସନ୍ତା କାଲି(ଶୁକ୍ରବାର) ରିଲିଜ ହେବ। ଇତିମଧ୍ୟରେ ଆଉ ଏକ ଗୁଡନ୍ୟୁଜ ସାମ୍ନାକୁ ଆସିଛି। ଯାହା ଶୁଣି ଖୁସି ହୋଇଯିବେ ଫ୍ୟାନ୍ସ। ଚର୍ଚ୍ଚା ଜୋର ଧରିଛି ଯେ ଇରଫାନଙ୍କ ଆଉ ଏକ ଫିଲ୍ମ ଖୁବଶୀଘ୍ର ରିଲିଜ ହେବାକୁ ଯାଉଛି। ଦୀର୍ଘ ସମୟରୁ ଏହି ଫିଲ୍ମକୁ ରିଲିଜ କରିବାକୁ ଲାଗିଥିଲେ ମେକର୍ସ । ବର୍ତ୍ତମାନ ଫିଲ୍ମ ରିଲିଜକୁ ନୂଆ ତାରିଖ ମିଳିଯାଇଛି ।

ଇରଫାନଙ୍କ ଅଭିନୀତ ଫିଲ୍ମ ‘ଅପନୋଂ ସେ ବେୱଫାଇ’ ଏପ୍ରିଲ 2ରେ ରିଲିଜ ହେବାକୁ ଯାଉଛି । ଏହି ଫିଲ୍ମର ସୁଟିଂ ଦୁଇ ବର୍ଷ ପୂର୍ବେ ଶେଷ ହୋଇଥିଲା । ଆର୍ଥିକ ସମସ୍ୟା ପାଇଁ ଫିଲ୍ମିକୁ ରିଲିଜ କରିପାରିନଥିଲେ ମେକର୍ସ। ଫିଲ୍ମ ରିଲିଜ ହେବା କଥା କନଫର୍ମ କରିଛନ୍ତି ନିର୍ଦ୍ଦେଶକ ପ୍ରକାଶ ଭାଲେକର। ଏହି ପାରିବାରିକ ଫିଲ୍ମରେ ଇରଫାନଙ୍କ ସହ ନୂଆ କଳାକାର ନଜର ଆସିବେ ।

ପ୍ରକାଶ ଥାଉକି ‘ଅଙ୍ଗ୍ରେଜୀ ମିଡିୟମ’ରେ ଇରଫାନଙ୍କ ସହ କରୀନା କପୁର ଖାନ, ରାଧିକା ଆପ୍ଟେ ଓ ଦୀପକ ଡୋବରିୟାଲ ମୁଖ୍ୟ ଭୂମିକାରେ ନଜର ଆସିବେ । ବର୍ତ୍ତମାନ ଫିଲ୍ମ କ୍ରିଟିକ୍ସଙ୍କ ଦ୍ବାରା ଏହି ଫିଲ୍ମକୁ ଶାନଦାର ପ୍ରତିକ୍ରିୟା ମିଳିଛି ।