ହାଇଦ୍ରାବାଦ:ଆଇପିଏଲର 51 ତମ ସିଜିନ୍ ପାଇଁ ମେଗା ନିଲାମରେ (IPL 2022 Mega Auction) ସୁହାନା ଖାନ୍ ଏବଂ ଆର୍ଯ୍ୟନ୍ ଖାନ୍ ପହଞ୍ଚିଛନ୍ତି। ଶୁକ୍ରବାର ଦିନ ଶାହରୁଖ ଖାନଙ୍କ ଟିମ କୋଲକାତା ନାଇଟ୍ ରାଇଡର୍ସ ପାଇଁ ପ୍ରି-ଆଇପିଏଲ୍ ନିଲାମ ସମୟରେ ସୁହାନା ଖାନ୍ ଏବଂ ଆର୍ଯ୍ୟନ୍ ଖାନ୍ ନଜର ଆସିଥିଲେ। ନିଲାମ ଠାରୁ ଅଧିକ ବର୍ତ୍ତମାନ ଶାହାରୁଖ ଖାନଙ୍କ ପୁଅ-ଝିଅ ଚର୍ଚ୍ଚାକୁ ଆସିଛନ୍ତି । ସୋସିଆଲ ମିଡିଆରେ ଏମାନଙ୍କ ଫଟୋ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି।
ସୁହାନା ଖାନ ପ୍ରଥମ ଥର ପାଇଁ ନିଲାମ କାର୍ଯ୍ୟରେ ପହଞ୍ଚିଛନ୍ତି । ଏହି ସମୟରେ ଆର୍ଯ୍ୟନ୍-ସୁହାନା କେକେଆର୍ ଟିମର ମ୍ୟାନେଜମେଣ୍ଟ ଟିମର ସଦସ୍ୟଙ୍କ ସହିତ ରେଡ ଚିଲିସ୍ ଏଣ୍ଟରଟେନମେଣ୍ଟ୍ର ସିଇଓ ଏବଂ କୋଲକାତା ନାଇଟ୍ ରାଇଡର୍ସର ସିଇଓ ଭେଙ୍କିଙ୍କ ସହ କଥାବାର୍ତ୍ତା କରୁଥିବା ଦେଖାଯାଇଥିଲା ।
କ୍ରୀଡା ଜଗତରେ ଏହା ସୁହାନା ଖାନଙ୍କ ଡେବ୍ୟୁ । ଯଦିଓ ଗତ ସିଜନର ନିଲାମ ପ୍ରକ୍ରିୟାରେ ଆର୍ଯ୍ୟନ୍ ଖାନ୍ଙ୍କୁ ଦେଖିବାକୁ ମିଳିଥିଲା । ଗତ ବର୍ଷ ଏହି କାର୍ଯ୍ୟକ୍ରମରେ ସହ-ମାଲିକାଣି ଜୁହି ଚାୱଲାଙ୍କ ଝିଅ ଜାନବୀ ମେହେଟ୍ଟାଙ୍କ ସହ ଆର୍ଯ୍ୟନ୍ ଚର୍ଚ୍ଚାରେ ଥିଲେ।