ହାଇଦ୍ରାବାଦ: ଏବେ ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ଚଳଚ୍ଚିତ୍ର ନିର୍ମାତା ରାଜକୁମାର ହିରାନୀଙ୍କ ଫିଲ୍ମ ସାଇନ କରିଛନ୍ତି । ଏହି ଚଳଚ୍ଚିତ୍ରରେ ସେ ବଲିଉଡର କିଙ୍ଗ ଖାନ ଶାହାରୁଖ ଖାନଙ୍କ ସହ ଲିଡରେ ନଜର ଆସିବେ । ଏହି ଚଳଚ୍ଚିତ୍ରଟି ରାଜକୁମାର ହିରାନୀ-ଶାହାରୁଖଙ୍କ ବହୁ ପ୍ରତୀକ୍ଷିତ କମେଡି ଫିଲ୍ମ ।
ରାଜକୁମାରଙ୍କ ସହ ଶାହାରୁଖଙ୍କ ଏହି ଚଳଚ୍ଚିତ୍ର ଅନ୍ୟତମ ଚର୍ଚ୍ଚିତ ଚଳଚ୍ଚିତ୍ର ଅଟେ । ଏହି ଚଳଚ୍ଚିତ୍ରଟି ଦୀର୍ଘ ସମୟ ଧରି ଲାଇମଲାଇଟରେ ରହିଆସିଛି । କିନ୍ତୁ ଏହା ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ଘୋଷଣା କରାଯାଇ ନାହିଁ ।
ଖବର ଅନୁଯାୟୀ, ଏହି ଚଳଚ୍ଚିତ୍ରଟି ଏକ ସାମାଜିକ କମେଡି ଅଟେ । ଶାହାରୁଖ ପଞ୍ଜାବରୁ କାନାଡାକୁ ଯାଉଥିବା ଜଣେ ପ୍ରବାସୀ ଭୂମିକାରେ ଅଭିନୟ କରିବେ ।