ମୁମ୍ବାଇ: ଆଡୁଆରେ ବଲିଉଡ ଅଭିନେତା ସୋନୁ ସୁଦ । ସୋନୁଙ୍କ ଆକାଉଣ୍ଟରେ ଗଡବଡ ଥିବା ନେଇ ବୁଧବାର ମୁମ୍ବାଇସ୍ଥିତ କାର୍ଯ୍ୟାଳୟ ଓ ବାସଭବନରେ ଆୟକର ବିଭାଗ ଚଢାଉ କରିଥିଲା । ପ୍ରାୟ ୨୦ଘଣ୍ଟା ଧରି କାଗଜପତ୍ର ଯାଞ୍ଚ କରିଥିଲା ଆୟକର ବିଭାଗ ।
ସୋନୁଙ୍କ ଘରେ ଆୟକର ବିଭାଗ ଚଢାଉ, ୨୦ଘଣ୍ଟା ଧରି କାଗଜପତ୍ର ଯାଞ୍ଚ କଲା ଟିମ୍
ସୂଚନାଅନୁସାରେ ଗତକାଲି(ବୁଧବାର) ଆୟକର ବିଭାଗ ଅଧିକାରୀମାନେ ସୋନୁଙ୍କ ଘରେ ଚଢାଉ ଆରମ୍ଭ କରିଥିଲେ । ଏହି ସମୟରେ ଘରେ ସୋନୁ ସୁଦ, ତାଙ୍କ ପରିବାର ଏବଂ ସମସ୍ତ କର୍ମଚାରୀ ଉପସ୍ଥିତ ଥିଲେ । ଦୀର୍ଘ ୨୦ ଘଣ୍ଟା ପରେ ଟିମ କାମ ସାରି ଘରୁ ବାହାରକୁ ଆସିଥିଲେ । ଏହି ସମୟରେ ସେମାନଙ୍କ ହାତରେ କିଛି କାଗଜପତ୍ର ଓ ଫାଇଲ ଥିବା ଦେଖିବାକୁ ମିଳିଛି ।