ମୁମ୍ବାଇ: ଚୁଲବୁଲି ଅଭିନେତ୍ରୀ ତାପୀସ ପନ୍ନୁଙ୍କ ଆଗାମୀ ଫିଲ୍ମ ‘ଲୁପ୍ ଲପେଟା’ରେ ନଜର ଆସିବେ ଅଭିନେତା ତାହିର ରାଜ୍ ଭାସିନ । ନିକଟରେ ଫିଲ୍ମ ସୁଟିଂ ଆରମ୍ଭ କରିଥିଲେ ତାପସୀ । ଆଉ ଏବେ ଫିଲ୍ମ ସୁଟିଂରେ ଯୋଗ ଦେଇଛନ୍ତି ତାହିର । ଯାହାକୁ ନେଇ ନିଜ ଉତ୍ସାହ ପ୍ରକାଶ କରିଛନ୍ତି ସେ । ତାଙ୍କ ଅନୁଯାୟୀ ରୋଲ୍, ସାଉଣ୍ଡ, କ୍ୟାମେରା, ଏବଂ ଆକ୍ସନଠୁ ଯାଦୁଭରା ଶବ୍ଦ ଆଉ କିଛି ନାହିଁ ।
ଫିଲ୍ମ ବିଷୟରେ ସେ ଆଲୋଚନା କରି କହିଛନ୍ତି, ‘ଫିଲ୍ମ ସେଟକୁ ଫେରି ମୁଁ ବହୁତ ଖୁସି । ସେହି ଯାଦୁକରୀ ଶବ୍ଦ ରୋଲ୍, ସାଉଣ୍ଡ, କ୍ୟାମେରା, ଏବଂ ଆକ୍ସନ୍ ଶୁଣିବା ଅପେକ୍ଷା ଭଲ ଅନୁଭବ କେଉଁଠାରେ ନାହିଁ । ପ୍ରସ୍ତୁତି ଏବଂ ପଠନ ମାସେ ମାସେ ମୁଁ ଘରେ ହ୍ବାଟ୍ସଅପ ଏବଂ ଜୁମରେ କରିଥିଲେ । ହେଲେ ସେଟରେ କୋ-ଷ୍ଟାର୍ସ ଏବଂ କ୍ରୁ ମେମ୍ବରଙ୍କୁ ଦେଖି ସେମାନଙ୍କ ସହ କାମ କରିବା ଅନୁଭୂତି କିଛି ଭିନ୍ନ ଥାଏ ।’
ସେହପରି ସେ ଫିଲ୍ମର କ୍ରୁ ମେମ୍ବର ଓ କୋ-ଷ୍ଟାର୍ସଙ୍କ ବିଷୟରେ କହିଛନ୍ତି, ‘ଫିଲ୍ମ ଲୁପ୍ ଲପେଟାକୁ ନେଇ ମୁଁ ଉତ୍ସାହିତ ଥିବା ସହ ନର୍ଭସ ମଧ୍ୟ ଅଛି । ଲୁପ୍ ଲପେଟା ସେଟରେ ଥିବା ପରିବେଶ ଇଲେକ୍ଟ୍ରିକ୍ ଠାରୁ କମ୍ ନୁହେଁ । କାରଣ ଭଲ ଅନୁଭୂତି ସହ ଆମ ଦିନ ଆରମ୍ଭ ହୁଏ ଯାହା ତାପସୀ ସେଟକୁ ଆଣନ୍ତି । ମୁଁ ତାପସୀଙ୍କୁ ପ୍ରଥମ କଥା ଯାହା କହିଥିଲି ତାହା ହେଉଛି ଲକଡାଉନ ମାସଗୁଡିକ ପରେ ସେଟ୍ ଉପରେ ମହାମାରୀର କଣ ପ୍ରଭାବ ରହିବ । ସେ ବହୁତ ଶାନ୍ତଭରା ଜବାବ ଦେଇଥିଲେ । ଯାହା ମତେ ଭଲ ଲାଗିଥିଲା । ଆମେ ଦୁହେଁ ପ୍ରାୟତଃ ଫିଲ୍ମ ସେଟ, କାହାଣୀ ବିଷୟରେ ଚାର୍ଟରେ କଥାବାର୍ତ୍ତା କରୁଥିଲୁ । ବାସ୍ତବ କଥା ହେଲା ଯେ ମୁଁ ତାପସୀଙ୍କ ସହ କାମ କରିବାକୁ ନେଇ ବହୁତ ଖୁସି ଅଛି । ତାଙ୍କ ଭଳି ଦକ୍ଷ ଅଭିନେତ୍ରୀଙ୍କ ସହ ସମସ୍ତେ କାମ କରିବାକୁ ସ୍ବପ୍ନ ଦେଖୁଥିବେ ।’
ପ୍ରକାଶ ଥାଉକି ତାପସୀ ଏହି ଫିଲ୍ମ ବ୍ୟତୀତ ‘ରଶ୍ମୀ ରକେଟ’, ‘ହସିନ ଦିଲରୁବା’ ଭଳି ଫିଲ୍ମରେ ମଧ୍ୟ ନଜର ଆସିବେ । ନିକଟରେ ‘ରଶ୍ମୀ ରକେଟ’ର ଫାଷ୍ଟ ସିଡ୍ୟୁଲ ସୁଟିଂ ସେ ଶେଷ କରିଥିଲେ । ଯାହାପରେ ଲୁପ୍ ଲପେଟାର ସୁଟିଂ ଆରମ୍ଭ କରିବା ସୂଚନା ଦେଇଥିଲେ ।
@IANS
