ମୁମ୍ବାଇ: ସୁପରଷ୍ଟାର ହ୍ରିତିକ ରୋଶନଙ୍କ ଆଗାମୀ ଫିଲ୍ମ 'ସୁପର-30' ରିଲିଜ ହେବାକୁ ଯାଉଛି । ଏହାପୂର୍ବରୁ ଫିଲ୍ମଟି ଜୁଲାଇ 26ରେ ରିଲିଜ ହେବାରେ ଥିଲା । ଅନ୍ୟପଟେ କୁଇନ କଙ୍ଗନା ରଣାୱତଙ୍କ ଚର୍ଚ୍ଚିତ ଫିଲ୍ମ 'ମେଣ୍ଟାଲ ହେ କ୍ୟା' ମଧ୍ୟ ଠିକ୍ ଏହି ଦିନରେ ରିଲିଜ ହେବାର ଥିଲା । କିନ୍ତୁ ଏବେ ବକ୍ସ ଅଫିସରେ ଆଉ ମୁହାଁମୁହିଁ ହେବେ ନାହିଁ ଏହି ଦୁଇ ଫିଲ୍ମ । କାରଣ ଏହି ଦୁଇ ଫିଲ୍ମ ରିଲିଜ ତାରିଖ ପରିବର୍ତ୍ତନ ହୋଇଯାଇଛି ।
କାରଣ ଏହି ଟକ୍କରରୁ ବଞ୍ଚିବା ପାଇଁ ହ୍ରିତିକ ଫିଲ୍ମ ନିର୍ମାତାଙ୍କୁ ଫିଲ୍ମ ରିଲିଜ ତାରିଖ ବଦଳାଇବାକୁ କହିଥିଲେ । ଅନେକ ତର୍କବିର୍ତକ ପରେ ନିର୍ମାତା ହ୍ରିତିକଙ୍କ କଥା ମାନି ନେଇ ଫିଲ୍ମର ରିଲିଜ ତାରିଖ ଜୁଲାଇ 12 କରିଦେଇଛନ୍ତି । ରିଲାଏନ୍ସ ଏଣ୍ଟରଟେନମେଣ୍ଟର ସିଇଓ ଶିବାଶୀଷ ସରକାର ଏକ ଟ୍ବିଟି ଜରିଆରେ ଦର୍ଶକଙ୍କୁ 'ସୁପର-30' ରିଲିଜ ତାରିଖ ବିଷୟରେ ସୂଚନା ଦେଇଛନ୍ତି ।