ହାଇଦ୍ରାବାଦ: ବଲିଉଡ ଅଭିନେତା ହ୍ରିତିକ ରୋଶନ ଏବଂ ରୁମର ଗର୍ଲଫ୍ରେଣ୍ଡ ସବା ଆଜାଦ ଟ୍ରେଣ୍ଡ ଲିଷ୍ଟ ସାମିଲ ହୋଇସାରିଛନ୍ତି । କେତେବେଳେ ରାତ୍ରି ଭୋଜନକୁ ନେଇ ତ କେତେବେଳେ ମଧ୍ୟାହ୍ନ ଭୋଜନକୁ ନେଇ ଚର୍ଚ୍ଚାରେ ଥାନ୍ତି ଏମାନେ । ଏମିତି କି ହାତରେ ହାତ ଧରି ଚାଲିବାର ଦୃଶ୍ୟ ମଧ୍ୟ ସାମ୍ନାକୁ ଆସିଛି । ଏହି ଫଟୋ ସାମ୍ନାକୁ ଆସିବା ପରେ ପରେ ହ୍ରିତିକ ରୋଶନ ଏବଂ ରୁମର ଗର୍ଲଫ୍ରେଣ୍ଡ ସବା ଆଜାଦଙ୍କୁ ନେଇ ଗୁଜବ ଆରମ୍ଭ ହୋଇଥିଲା ।
ଗତ ସପ୍ତାହରେ, ହ୍ରିତିକଙ୍କ ପରିବାର ସଦସ୍ୟ ସବାଙ୍କୁ ଏକ ସ୍ବତନ୍ତ୍ର ଭୋଜନ ପଠାଇଥିଲେ, ଯାହାର ଏକ ଫଟୋ ସେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ସେୟାର କରିଥିଲେ ଏବଂ ସେ ଏହାର କ୍ୟାପସନ୍ ଦେଇଥିଲେ, ‘ଯେତେବେଳେ ଆପଣ ଅସୁସ୍ଥ ଥିବେ, କିନ୍ତୁ ଆପଣଙ୍କ ପାଖରେ ସବୁଠୁ ବେଷ୍ଟ ଲୋକ ଥିବେ, ଯିଏ ଆପଣଙ୍କୁ ଖାଦ୍ୟ ଖୁଆଇ ଦେଉଥିବ।’ ଏବେ ଏହି ଯୋଡି ସେମାନଙ୍କ ଇନଷ୍ଟାଗ୍ରାମ ଏକ୍ସଚେଞ୍ଜ ପାଇଁ ଟ୍ରେଣ୍ଡ କରୁଛନ୍ତି । ରବିବାର ଦିନ ସବା ନିଜେ ଗୀତ ଗାଇବାର ଏକ ଭିଡିଓ ସେୟାର କରିଛନ୍ତି । ହ୍ରିତିକ ରୋଶନ କମେଣ୍ଟ ଦେଇ କହିଛନ୍ତି ଯେ ତୁମେ ଜଣେ ଅସାଧାରଣ ମଣିଷ । ସବା ଉତ୍ତରରେ କହିଛନ୍ତି.. ଏବଂ ତୁମେ ଦୟାଳୁ।