ମୁମ୍ବାଇ: ବି-ଟାଉନର ଅକ୍କି ଅକ୍ଷୟ କୁମାର ଅଭିନତୀ ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ ବକ୍ସ ଅଫିସରେ କମାଲ କରିବାରେ ଲାଗିଛି। ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିବା ସତ୍ତ୍ବେ ରିଲିଜର ଦ୍ବିତୀୟ ସପ୍ତାହରେ ଫିଲ୍ମଟି ଶାନଦାର କଲେକ୍ସନ କରି ନୂଆ ରେକର୍ଡ ସୃଷ୍ଟି କରିଛି। ଦୀପାବଳୀ ଅବସରରେ ରିଲିଜ ହୋଇଥିବା ଏହି ଫିଲ୍ମ ଦ୍ବିତୀୟ ସପ୍ତାହରେ 31 କୋଟି ଟଙ୍କା ଆୟ କରିଛି। ବଲିଉଡରେ ପାଖାପାଖି 15ଟି ଫିଲ୍ମ ଦ୍ବିତୀୟ ସପ୍ତାହରେ ଏତିକି କୋଟି ଆୟ କରିବାରେ ସଫଳ ହୋଇଛି।
‘ମିଶନ ମଙ୍ଗଲ’କୁ ମାତ୍ ଦେଲା ‘ହାଉସଫୁଲ 4’
10 ଦିନରେ ‘ହାଉସଫୁଲ 4’ର ଜବରଦସ୍ତ କଲେକ୍ସନ । ଦ୍ବିତୀୟ ସପ୍ତାହରେ ମଧ୍ୟ କଲେକ୍ସନରେ ଦେଖାଦେଇନାହିଁ କ୍ଷତି। ଅକ୍ଷୟ ପୁଣି ନିଜ ଫିଲ୍ମକୁ ପଛରେ ପକାଇଲେ । ଆଜ୍ଞା ହଁ, ‘ହାଉସଫୁଲ 4’ ଅକ୍ଷୟଙ୍କ ପୂର୍ବ ଫିଲ୍ମ ‘ମିଶନ ମଙ୍ଗଲ’ର 11 ଦିନର ରେକର୍ଡ ଭାଙ୍ଗିଛି।
ଡିଜାଇନ ଫଟୋ
ପ୍ରକାଶ ଥାଉକି କମେଡି ଫିଲ୍ମ ‘ହାଉସଫୁଲ 4’ ମାତ୍ର 10 ଦିନରେ 168 କୋଟ ଆୟ କରି ଅକ୍ଷୟଙ୍କ ପୂର୍ବ ଫିଲ୍ମ ‘ମିଶନ ମଙ୍ଗଲ’ର ମଧ୍ୟ ରେକର୍ଡ ଭାଙ୍ଗିବାରେ ସଫଳ ହୋଇଛି। ମହାକାଶ ଯାନକୁ ନେଇ ଆଧାରିତ ‘ମିଶନ ମଙ୍ଗଲ’ ରିଲିଜର 11 ଦିନରେ 155 କୋଟି ଆୟ କରିଥିଲା । ହୁଏତଃ ଯଦି ଏପରି ‘ହାଉସଫୁଲ 4’ର କଲେକ୍ସନ ଲାଗି ରହିଲା ତେବେ ଫିଲ୍ମଟି ‘ମିଶନ ମଙ୍ଗଲ’ର ସମୁଦାୟ ଆୟକୁ ମଧ୍ୟ ମାତ ଦେବାରେ ସଫଳ ହେବ । ମେକର୍ସ ଫିଲ୍ମର ତୃତୀୟ ଏବଂ ଚତୁର୍ଥ ସପ୍ତାହର କଲେକ୍ସନ ଶାନଦାର ହେବ ବୋଲି ଆଶା କରିଛନ୍ତି।
ଫରହାଦ ସାମଜିଙ୍କ ନିର୍ଦ୍ଦେଶିତ ‘ହାଉସଫୁଲ 4’ରେ ଅକ୍ଷୟଙ୍କ ବ୍ୟତୀତ ରିତେଶ ଦେଶମୁଖ, କ୍ରିତି ସାନନ, ବବି ଦେଓଲ, କ୍ରିତି ଖରବନ୍ଦା ଏବଂ ପୂଜା ହେଗଡେ ମୁଖ୍ୟ ଭୂମିକାରେ ନଜର ଆସିଛନ୍ତି ।