ମୁମ୍ବାଇ: ଇଣ୍ଟରନେଟ ସେନ୍ସେସନ ବଲିଉଡ ଗାୟିକା ହୋଇସାରିଥିବା ରାନୁ ମଣ୍ଡଲ ବୁଧବାର ବଲିଉଡରେ ନିଜର ପ୍ରଥମ ପାଦ ଥାପିଛନ୍ତି । ତାଙ୍କର ପ୍ରଥମ ବଲିଉଡ ଗୀତ ‘ତେରି ମେରି କାହାନୀ’ ପରିଶେଷରେ ରିଲିଜ ହୋଇଯାଇଛି । ତାଙ୍କ ଗୀତ ରିଲିଜ ହେବା ମାତ୍ରେ ଲକ୍ଷ ଭ୍ୟୁଜ ହାସିଲ କରିସାରିଲାଣି । କିନ୍ତୁ ଏହି ଗୀତର ଲଞ୍ଚିଂ ଇଭେଣ୍ଟରେ ରାନୁ ଖୁବ୍ ଇମୋଶନାଲ ହୋଇଯାଇଥିଲେ ।
ବଲିଉଡର ମଲ୍ଟି ଟ୍ୟାଲେଣ୍ଟେଡ କଳାକାର ହିମେଶ ବୁଧବାର ରାନୁଙ୍କ ସହ ଗାଇଥିବା ନିଜ ଫିଲ୍ମ ‘ହାପ୍ପି ହାର୍ଡି ହୀର’ର ଗୀତ ‘ତେରି ମେରି କାହାନୀ’ ଲଞ୍ଚ କରିଥିଲେ । ଏହି ସମୟରେ ହିମେଶ ଓ ରାନୁ ଖୁବ୍ ଭାବୁକ ହୋଇଥିଲେ । ଖାଲି ଏତି ନୁହେଁ ରାନୁଙ୍କ କାହାଣୀ କହି କାନ୍ଦି ପକାଇଥିଲେ ହିମେଶ ।