ହିମାଂଶୀଙ୍କ ଟ୍ବିଟର ଆକାଉଣ୍ଟ ହ୍ୟାକ

ଏକ ପୋଷ୍ଟ କରି ଫ୍ୟାନ୍ସଙ୍କୁ ନିଜ ଟ୍ବିଟର ଆକାଉଣ୍ଟ ହ୍ୟାକ ହୋଇଯାଇଥିବା ସୂଚନା ଦେଇଛନ୍ତି ଅଭିନେତ୍ରୀ ହିମାଂଶୀ ଖୁରାନା ।

ମୁମ୍ବାଇ: ନିକଟରେ ବିଗ ବସ 13ର ଫେମସ ପ୍ରତିଯୋଗୀ ହିମାଂଶୀ ଖୁରାନାଙ୍କ ନୂଆ ପଞ୍ଜାବୀ ମ୍ୟୁଜିକ ଭିଡିଓ ‘କାଲା ସୋଣା ନେହିଁ’ ନିକଟରେ ରିଲିଜ ହୋଇଥିଲା। ଯେଉଁଥିରେ ତାଙ୍କ ସହ ରୋମାନ୍ସ କରୁଥିବାର ନଜର ଆସିଥିଲେ ତାଙ୍କ କଥିତ ବୟଫ୍ରେଣ୍ଡ ତଥା ବିଗ ବସ ରନର ଅପ ଆସମୀ ରିୟାଜ। ଗୀତଟିକୁ ଖୁବ୍ ପସନ୍ଦ କରିଛନ୍ତି ଦର୍ଶକ।

ଫଟୋ ସୌଜନ୍ୟ: ଟ୍ବିଟର@ହିମାଂଶୀ ଖୁରାନା

ଇତିମଧ୍ୟରେ ହିମାଂଶୀଙ୍କ ଟ୍ବିଟର ଆକାଉଣ୍ଟ ହ୍ୟାକ ହୋଇଯାଇଛି। ଯାହାର ସୂଚନା ସେ ଏକ ପୋଷ୍ଟ ଜରିଆରେ ଫ୍ୟାନ୍ସଙ୍କୁ ଦେଇଛନ୍ତି। ସେ ପୋଷ୍ଟରେ ଲେଖିଛନ୍ତି, ‘କେହି ତାଙ୍କ ଟ୍ବିଟରରେ କିଛି କରୁଛନ୍ତି। ଏଥିରେ କଣ ହୋଇଯିବ । ଏତେ ଇନସିକ୍ୟୁରିଟି ?’ ସେ ଫ୍ୟାନ୍ସଙ୍କୁ ଏହାର ସୂଚନା 21 ତାରିଖରେ ଦେଇଥିଲେ ।

ପ୍ରକାଶ ଥାଉକି ହିମାଂଶୀ ବିଗ ବସ 13ରେ ୱାଇଲ୍ଡ କାର୍ଡ ପ୍ରତିଯୋଗୀ ରୂପେ ଏଣ୍ଟ୍ରି ନେଇଥିଲେ । ଆଉ ବିଗ ବସ ହାଉସରେ ଆସୀମ ଓ ତାଙ୍କର ସମ୍ପର୍କ ଗଢି ଉଠିଥିଲା । ବିଗବସର ଗୋଟିଏ ଏପିସୋଡରେ ଆସୀମ, ହିମାଂଶୀଙ୍କୁ ପ୍ରପୋଜ ମଧ୍ୟ କରିଥିଲେ । ବର୍ତ୍ତମାନ ପରସ୍ପରକୁ ଡେଟ କରୁଛନ୍ତି ଏହି ଯୋଡି ।