ହାଇଦ୍ରାବାଦ: ବୋଧ ହୁଏ ଏମିତି କେହି ନଥିବେ ଯିଏ ଲତା ମଙ୍ଗେସକରଙ୍କ ଗୀତ ଶୁଣିନଥିବେ । ଗତ ଛଅ ଦଶକ ହେବ ଲତାଙ୍କ ସ୍ବରର ଯାଦୁ ସ୍ରୋତାଙ୍କ ମନରେ ଛାପ ଛାଡିଆସୁଛି। ଆଜି ସେଇ ସୁ-ମଧୁର ସ୍ବର 90 ବର୍ଷରେ ପାଦ ଦେଇଛି । ଆଜି ଯାଏଁ ଲତାଙ୍କ ଭଳି ନା କେହି ଅଛନ୍ତି ନା କେହି ହେବେ । 1929 ମସିହା ସେପ୍ଟେମ୍ବର 28ରେ ଜନ୍ମଗ୍ରହଣ କରିଥିବା ଲତା ଭାରତୀୟ ସିନେମାର ଜଣେ ଜୀବନ୍ତ ଆଶ୍ଚର୍ଯ୍ୟ ।
ଭିଡିଓ ସୌଜନ୍ୟ: ଇଟିଭି ଭାରତ
ଲତାଙ୍କ କଣ୍ଠ ଭଗବାନଙ୍କ ଦାନ । ଗୀତିକାରଙ୍କ ପ୍ରଥମ ପସନ୍ଦ ଥିଲେ ଲତା । ବଲିଉଡର କୋକିଳ କଣ୍ଠୀ ଲତାଙ୍କ କାଳଜୟୀ ଗୀତ ଏବେବି ସ୍ରୋତାଙ୍କ କାନରେ ବାଜୁଜି । 1964ର ‘ଲଗ୍ ଜା ଗଲେ’ ଗୀତଟିକୁ ଆପଣ କେବେବି ନିଜକୁ ଶୁଣିବାରୁ ରୋକିପାରିବେ ନାହିଁ । ବହୁତ ସିଙ୍ଗର ଏହାର କଭର ଗୀତ ଗାଇବାକୁ ଚେଷ୍ଟା କରିଛନ୍ତି ମାତ୍ର ଲତାଙ୍କ ଭଳି କେହି ନୁହେଁ । ପ୍ରାୟ 30ରୁ ଅଧିକ ଭାଷାରେ ଗୀତ ଗାଇଛନ୍ତି ଲତା ।