ନୂଆଦିଲ୍ଲୀ: ବୟସର ଆଉ ଏକ ପାହାଚରେ ପାଦ ଦେଇଛନ୍ତି ବଲିଉଡର ଆଙ୍ଗ୍ରୀ ୟଙ୍ଗମ୍ୟାନ । ସେ ସମସ୍ତଙ୍କର ଏଭର ଗ୍ରୀନ ହିରୋ ।ଲକ୍ଷଲକ୍ଷ ଲୋକଙ୍କ ଆଇକନ । ଆଜି ବିଗ୍ ବି ଅମିତାଭ ବଚ୍ଚନଙ୍କ 78ତମ ଜନ୍ମଦିନ । ତେବେ ଆଜିର ଏ ସ୍ପେଶାଲ ଦିନରେ ପ୍ରଶଂସକଙ୍କ ସହ ବଲିଉଡର ସେଲିବ୍ରିଟିମାନେ ମଧ୍ୟ ଅମିତାଭଙ୍କୁ ଜନ୍ମଦିନର ଶୁଭେଚ୍ଛା ଜଣାଉଛନ୍ତି ।
ଆୟୁଷ୍ମାନ ଖୁରାନା, ଅନୁଷ୍କା ଶର୍ମା, ଅଜୟ ଦେବଗନ, ଏବଂ ମହେଶ ବାବୁଙ୍କ ପରି ଅନେକ ତାରକାମାନେ ଅମିତାଭଙ୍କୁ ତାଙ୍କ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି ।
ଆୟୁଷ୍ମାନ ଫିଲ୍ମ 'ଗୁଲାବୋ ସିତାବୋ'ରୁ ଫଟୋ ସେୟାର କରି ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ଅମିତ ଜୀ । ମୋର ପିଲାଦିନରୁ ତୁମ ସହ କାମ କରିବାର ସ୍ବପ୍ନ ଥିଲା, ଶେଷରେ ଆପଣଙ୍କ ସହିତ କାମ କରି ଜୀବନ ସାର୍ଥକ ହୋଇଛି ।
ଅଜୟ ଦେବଗନ୍ ଅମିତାଭଙ୍କ ସହ ଫଟୋ ସେୟାର କରି ଲେଖିଛନ୍ତି, 'ଅମିତ ଜୀ ଜନ୍ମଦିନର ଅନେକ ଅନେକ ଶୁଭେଚ୍ଛା। ବର୍ଷଟି ଶୁଭପ୍ରଦ ହେଉ ବୋଲି ପ୍ରାର୍ଥନା ।
ଅନୁଷ୍କା ଶର୍ମା ଲେଖିଛନ୍ତି, 'ଅମିତାଭ ଜୀ ଙ୍କୁ ଜନ୍ମଦିନର ଶୁଭେଚ୍ଛା । ଆମ ସମସ୍ତଙ୍କୁ ପ୍ରେରଣା ଦେଇଥିବାରୁ ଧନ୍ୟବାଦ । ଆପଣଙ୍କ କାର୍ଯ୍ୟ ଏବଂ ଶ୍ରେଷ୍ଠ ପ୍ରଦର୍ଶନ ଦେଖି ଆମେ ସମସ୍ତେ ଭାଗ୍ୟବାନ । ତୁମେ ପ୍ରକୃତରେ ଲେଜେଣ୍ଟ ଅଟନ୍ତି ।
ଏମାନଙ୍କ ବ୍ୟତୀତ ମଧୁର ଭଣ୍ଡାରକର, ରିତେଶ ଦେଶମୁଖ ଏବଂ ନେହା ଧୁପିଆ ମଧ୍ୟ ଅମିତାଭ ବଚ୍ଚନଙ୍କୁ ତାଙ୍କ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି । ବଲିଉଡ ବ୍ୟତୀତ ମହେଶ ବାବୁ, ଆର ମାଧବନ, ସୁପରଷ୍ଟାର ଚିରଞ୍ଜୀବୀ ଏବଂ ଅନ୍ୟମାନେ ମଧ୍ୟ ଅମିତାଭଙ୍କୁ ଶୁଭେଚ୍ଛା ଓ ଆଶୀର୍ବାଦ ଦେଇଛନ୍ତି ।
ଆଜିର ଦିନରେ ଅମିତାଭଙ୍କ ପ୍ରଶଂସକମାନେ ମଧ୍ୟ ତାଙ୍କୁ ବହୁତ ବହୁତ ଅଭିନନ୍ଦନ ଜଣାଇଛନ୍ତି ।
