ମୁମ୍ବାଇ: ଏବେ ଅଭିନେତା ରଣା ଡଗୁବତୀ ଏବଂ ପୁଲକିତ ସମ୍ରାଟଙ୍କ ଅଭିନୀତ 'ହାତୀ ମେରେ ସାଥି' ଟ୍ରେଲରର ରିଲିଜ ତାରିଖ ଘୋଷଣା କରାଯାଇଛି । ରଣା ଡଗୁବତୀ ନିଜେ ଏହାର ଟ୍ରେଲରର ରିଲିଜ ତାରିଖ ଘୋଷଣା କରିଛନ୍ତି ।
ଏହି ଫିଲ୍ମ ତିନୋଟି ଭାଷାରେ ମୁକ୍ତିଲାଭ କରିବ । ଏଥିରେ ରଣା ମୁଖ୍ୟ ଚରିତ୍ରରେ ନଜର ଆସିବେ ।
ରଣା ଟ୍ବିଟ୍ କରି କହିଛନ୍ତି, 2021 ରେ ପ୍ରଥମ ତିନୋଟି ଭାଷାରେ ଆସୁଥିବା ଚଳଚ୍ଚିତ୍ର ପାଇଁ ଆପଣମାନେ ପ୍ରସ୍ତୁତ କି ? ମାର୍ଚ୍ଚ 4 ରେ 'ହାତୀ ମେରେ ସାଥି' ଟ୍ରେଲର ମୁକ୍ତିଲାଭ କରିବ ! ଏହି ଫିଲ୍ମ 26 ମାର୍ଚ୍ଚରେ ଥିଏଟରରେ ଆସିବ ।
ଫିଲ୍ମ ନାଁ ରୁ ଜଣାପଡିଛି ଯେ ଏହା ହାତୀମାନଙ୍କ ସୁରକ୍ଷା ପ୍ରସଙ୍ଗ ବିଷୟରେ ।
ପ୍ରକାଶ ଥାଉ ଯେ, ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ପ୍ରଭୂ ସୋଲୋମନ। ଏଥିରେ ରଣାଙ୍କ ବ୍ୟତୀତ ପୁଲକିତ ସମ୍ରାଟ, ବିଷ୍ଣୁ, ଶ୍ରୀୟା ପିଲଗାଓଁକର ଏବଂ ଜୋୟା ହୁସେନ୍ ନଜର ଆସିବେ ।
