ନୁସରତଙ୍କ ପ୍ରେମରେ ପାଗଳ ଗୁରୁ ରାନ୍ଧୱା, ଦେଖନ୍ତୁ ଭିଡିଓ

ବିକ୍କୀ କୌଶଲଙ୍କ ପରେ ଏବେ ମ୍ୟୁଜିକାଲ ଭିଡିଓରେ ନଜର ଆସିବେ ଅଭିନେତ୍ରୀ ନୁସରତ ଭରୁଚା । ସେ ପପୁଲାର ସିଙ୍ଗର ଗୁରୁ ରାନ୍ଧୱାଙ୍କ ସହ ରୋମାନ୍ସ କରୁଛନ୍ତି ‘ତେରା ଇଶ୍କ’ ଗୀତରେ ।

ମୁମ୍ବାଇ: ପଞ୍ଜାବୀ ଗାୟକ ଗୁରୁ ରାନ୍ଧୱା ସବୁବେଳେ ନିଜ ଦମଦାର ଗୀତ ଏବଂ ଡାନ୍ସ ପାଇଁ ଦର୍ଶକଙ୍କ ମଧ୍ୟରେ ଚର୍ଚ୍ଚାରେ ରହିଥାନ୍ତି । ଏଥର ଗୁରୁ ନିଜ ଫ୍ୟାନ୍ସଙ୍କ ପାଇଁ ଏକ ରୋମାଣ୍ଟିକ ନମ୍ବର ନେଇ ଫେରିଛନ୍ତି । ‘ତେରା ଇଶ୍କ’ ଟାଇଟଲ ଗୀତରେ ଗୁରୁଙ୍କ ସହ ବଲିଉଡ ସୁନ୍ଦରୀ ଅଭିନେତ୍ରୀ ନୁସରତ ଭରୁଚା ନଜର ଆସୁଛନ୍ତି।

ଗୀତ ଗାଇବା ସହ ‘ତେରା ଇଶ୍କ’ର ଲିରିକ୍ସ ମଧ୍ୟ ଗୁରୁ ଲେଖିଛନ୍ତି। ନୁସରତଙ୍କୁ ଦେଖି ପ୍ରଥମ ନଜରରେ ପ୍ରେମ କରି ବସୁଛନ୍ତି ଗୁରୁ । ଆଉ ଯାହା ପରେ ଦିୱାନଙ୍କ ଭଳି ଗୀତ ଗାଇଥିବାର ଏହି ମ୍ୟୁଜିକାଲ ଭିଡିଓରେ ନଜର ଆସୁଛନ୍ତି । ପ୍ରଥମଥର ଗୁରୁ ଓ ନୁସରତଙ୍କ କେମେଷ୍ଟ୍ରି ପରଦାରେ ଦେଖିବାକୁ ପାଇଛନ୍ତି ଦର୍ଶକ।

ପ୍ରକାଶ ଥାଉକ ନୁସରତଙ୍କ ଅଭିନୀତ ଫିଲ୍ମ ‘ଡ୍ରିମ ଗାର୍ଲ’ ସେପ୍ଟେମ୍ବର 13ରେ ରିଲିଜ ହେବାକୁ ଯାଉଛି । ଫିଲ୍ମରେ ତାଙ୍କ ସହ ଟ୍ୟାଲେଣ୍ଟେଡ୍ ଆକ୍ଟର ଆୟୁଷ୍ମାନ ଖୁରାନା ମୁଖ୍ୟ ଭୂମିକାରେ ନଜର ଆସିବେ। ନିକଟରେ ରିଲିଜ ହୋଇଥିବା ଫିଲ୍ମର ଟ୍ରେଲର ଏବଂ ଗୀତକୁ ଖୁବ୍ ପସନ୍ଦ କରିଛନ୍ତି ଦର୍ଶକ । ‘ଡ୍ରିମ ଗାର୍ଲ’ରେ ଏଥର ଦର୍ଶକ ଆୟୁଷ୍ମାନଙ୍କ ଭିନ୍ନ ଅବତାର ଦେଖିବାକୁ ପାଇବେ।