ହାଇଦ୍ରାବାଦ:ମଲ୍ଟି ଲାଙ୍ଗୁଏଜ ବ୍ୟାଣ୍ଡ୍ 'ସ୍ବଦେଶୀ'ର ହିପ୍-ହପ୍ ରାପର ଏମସି ତୋଡଫୋଡ୍ (MC Tod Fod) ଓରଫ ଧର୍ମେଶ ପାରମାର (Dharmesh Parmar) ଙ୍କ 24 ବର୍ଷ ବୟସରେ ଦେହାନ୍ତ ହୋଇଛି। ଏହି ଦୁଃଖଦ ଖବର 'ସ୍ବଦେଶୀ' ଲେବଲ୍ ଆଜାଦି ରେକର୍ଡସ ଏବଂ ମ୍ୟାନେଜମେଣ୍ଟ କମ୍ପାନୀ 4/4 ଏଣ୍ଟରଟେନମେଣ୍ଟ ଦ୍ୱାରା ପ୍ରଦାନ କରାଯାଇଛି । ଏମସିଙ୍କ ମୃତ୍ୟୁର କାରଣ ଜଣାପଡିନାହିଁ।
ଧର୍ମେନ୍ଦ୍ରଙ୍କ ଆକସ୍ମିକ ଦେହାନ୍ତରେ ରଣବୀର ସିଂ, ସିଦ୍ଧାନ୍ତ ଚତୁର୍ବେଦୀ ଏବଂ ଚଳଚ୍ଚିତ୍ର ନିର୍ମାତା ଜୋୟା ଅଖତରଙ୍କ ପରି ଅନେକ ବଲିଉଡ ତାରକା ଶୋକ ବ୍ୟକ୍ତ କରିଛନ୍ତି। ରଣବୀର ସିଂଙ୍କ ଅଭିନୀତ ଚଳଚ୍ଚିତ୍ର 'ଗଲି ବଏ'ରେ ଧର୍ମେଶ ରାପ ଗାଇଥିଲେ। ଏମସି 2013 ରେ ସ୍ବଦେଶୀ ବ୍ୟାଣ୍ଡରେ ଯୋଗ ଦେଇଥିଲେ । ଏମସିର 'The Warli Revolt' ପରି ଗୀତରେ ତୋଡ୍ ଫୋଡ୍ ରାପ ଧମାଲ କରିଥିଲା । ସେ ତାଙ୍କ ରାପରେ ସାମାଜିକ ସମସ୍ୟାଗୁଡିକୁ ମଧ୍ୟ ହାଇଲାଇଟ କରୁଥିଲେ ।