ନୂଆଦିଲ୍ଲୀ: ଗତ ବର୍ଷରୁ ନେଇ ଏଯାବତ ବକ୍ସ ଅଫିସରେ ବଲିଉଡର ସିମ୍ବା ଏବଂ ଗଲି ବୟ ରଣଭୀର ସିଂହ କବଜା କରି ରଖିଛନ୍ତି । ବର୍ତ୍ତମାନ ସେ ନିଜର ରାଜୁତି ବଜାଇ ରଖିବା ପାଇଁ ବଡ ନିଷ୍ପତ୍ତି ନେଇଛନ୍ତି । ଆଜ୍ଞା ହଁ, ଐତିହାସିକ, ମ୍ୟୁଜିକାଲ ଭଳି ଅନେକ ଭେରାଇଟି ପରେ ଏବେ ରଣଭୀର କମେଡି ଆଡକୁ ପଦ ବଢାଇଛନ୍ତି । ସେ ଏବେ ଜଣାଶୁଣା ନିର୍ଦ୍ଦେଶକଙ୍କ ହାତ ଧରିଛନ୍ତି ।
ରଣଭୀର ସବୁବେଳେ ନିଜ ଗେଟଅପ ଏବଂ ଡିଫରେଣ୍ଟ ଟାଇପ ରୋଲ୍ସ ଜରିଆରେ ଦର୍ଶକଙ୍କୁ ଆଶ୍ଚର୍ଯ୍ୟ କରିଥାଆନ୍ତି । ଇତିମଧ୍ୟରେ ରଣଭୀରଙ୍କ ସହ ସମ୍ପୃକ୍ତ ଥିବା ଏକ ଖବର ସାମ୍ନାକୁ ଆସିଛି । ସେ ପୁଣିଥରେ ଜବରଦସ୍ତ ଫିଲ୍ମ ପରଦାରେ ଆଣିବାକୁ ପ୍ରସ୍ତୁତି ଚଳାଇଛନ୍ତି । ସେ ନିର୍ଦ୍ଦେଶକ ରାଜକୁମାର ସନ୍ତୋଷୀଙ୍କ ସହ ଏକ ଫିଲ୍ମ ସାଇନ କରିଛନ୍ତି ।