କୃଷକଙ୍କୁ ସୈନିକଙ୍କ ସହ ତୁଳନା କଲେ ଦେଶୀ ଗାର୍ଲ

ଭାଇରାଲ ହେଲା ପ୍ରିୟଙ୍କାଙ୍କ ନୂଆ ଟ୍ବିଟ । ଏଥର ସେ କୃଷକ ଆନ୍ଦୋଳନ ଉପରେ ଟ୍ବିଟ କରି ସମସ୍ତଙ୍କୁ ସମର୍ଥନ କରିଛନ୍ତି । ଏହାସହ ସେ ଦିଲଜିତଙ୍କ ଟ୍ବିଟ ଉପରେ ପ୍ରତିକ୍ରିୟା ମଧ୍ୟ ଦେଇଛନ୍ତି ।

ମୁମ୍ବାଇ: ଦେଶରେ ଜାରି ଥିବା କୃଷକ ଆନ୍ଦୋଳନ ପୁରା ଦୁନିଆର ଧ୍ୟାନ ନିଜ ଆଡକୁ ଟାଣିବାରେ ଲାଗିଛି । ଏହି ଆନ୍ଦୋଳନରେ ବଲିଉଡ ମଧ୍ୟ ମୁଖ୍ୟ ଭୂମିକା ପରି ନଜର ଆସୁଛି । ଯଦି କୃଷକମାନେ ରାସ୍ତାରେ ସ୍ବର ଉତ୍ତୋଳନ କରୁଛନ୍ତି, ତେବେ ଅନେକ ସେଲିବ୍ରିଟି ସୋସିଆଲ ମିଡିଆରେ ମଧ୍ୟ ତାହା କରୁଥିବା ଦେଖିବାକୁ ମିଳୁଛନ୍ତି । ଏହି କ୍ରମରେ ସାମିଲ ହୋଇଛନ୍ତି ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା । କୃଷକଙ୍କ ଦୁଃଖ ଦେଖି ସେ ମଧ୍ୟ ଦୁଃଖି । ଏବେ ବିଦେଶରେ ଥିବା ପ୍ରିୟଙ୍କା କୃଷକଙ୍କ ଆନ୍ଦୋଳନକୁ ଫଲୋ କରୁଥିବାର ନଜର ଆସୁଛନ୍ତି ।

ସେ ଏକ ଟ୍ବିଟ କରି ମନ କଥା ଜଣାଇ ଲେଖିଛନ୍ତି, ‘କୃଷକମାନେ ଆମର ସୈନିକ | ସେମାନଙ୍କର ସମସ୍ତ ଭୟ ଦୂର କରିବା ଜରୁରୀ ଅଟେ । ସେମାନଙ୍କର ଆଶା ପୂରଣ ହେବା ନିହାତି ଦରକାର । ଗଣତନ୍ତ୍ର ଭାବରେ ଏହି ବିବାଦର ଶୀଘ୍ର ସମାଧାନ କରିବା ଆମର ଦାୟିତ୍ବ ।’ ବର୍ତ୍ତମାନ ତାଙ୍କ ଏହି ଟ୍ବିଟ ଫ୍ୟାନ୍ସଙ୍କ ମନ କିଣିଛି । କମେଣ୍ଟ କରି ତାଙ୍କ ପ୍ରଶଂସା କରିବାରେ ଲାଗିଛନ୍ତି ସମସ୍ତେ ।

ପ୍ରକାଶ ଥାଉକି ଲୋକପ୍ରିୟ ଗାୟକ, ଅଭିନେତା ଦିଲଜିତ ଦୋସାଞ୍ଝଙ୍କ ଏକ ଟ୍ବିଟରେ ପ୍ରତିକ୍ରିୟା ଦେଇ କହିଥିଲେ ଯେ କିଛି ଲୋକ କୃଷକ ଆନ୍ଦୋଳନକୁ ଧର୍ମରେ ସାମିଲ କରୁଛନ୍ତି । ଯାହାର ସମର୍ଥନ କରି ପ୍ରିୟଙ୍କା ସମସ୍ତଙ୍କୁ ଜଣାଇଛନ୍ତି ଯେ ଏହି ଆନ୍ଦୋଳନକୁ ଧର୍ମଠାରୁ ଦୂରେଇ ରଖିବାକୁ ।