ବାଫ୍ଟା ତାଲିକାରେ ଆଦର୍ଶ, ଖୁସି ପ୍ରକାଶ କଲେ ଦେଶୀ ଗାର୍ଲ

ଭାଇରାଲ ହେଲା ପ୍ରିୟଙ୍କାଙ୍କ ଟ୍ବିଟ । ଆଦର୍ଶଙ୍କୁ ନେଇ ଗର୍ବିତ ସେ । ବାଫ୍ଟା 2021ର ଅଗ୍ରଣୀ ଅଭିନେତା ବର୍ଗରେ ‘ଦ ହ୍ବାଇଟ ଟାଇଗର’ ଆକ୍ଟର । ଅଧିକ ପଢନ୍ତୁ...

ମୁମ୍ବାଇ: ନେଟଫ୍ଲିକ୍ସର ବହୁ ଚର୍ଚ୍ଚିତ ଫିଲ୍ମ ‘ଦ ହ୍ବାଇଟ ଟାଇଗର’ ଦମଦାର ଅଭିନୟ କରି ସମସ୍ତଙ୍କ ମନ କିଣିଥିଲେ ଅଭିନେତା ଆଦର୍ଶ ଗୌରବ । ଇତିମଧ୍ୟରେ ବ୍ରିଟିଶ ଏକାଡେମୀ ଚଳଚ୍ଚିତ୍ର ବାଫ୍ଟା 2021ର ଅଗ୍ରଣୀ ଅଭିନେତା ବର୍ଗ ପାଇଁ ଆଦର୍ଶଙ୍କ ନାମ ମନୋନୀତ ହୋଇଛି । ‘ଦ ହ୍ବାଇଟ ଟାଇଗର’ରେ ଆଦର୍ଶଙ୍କ ସହ ନଜର ଆସିଛନ୍ତି ପ୍ରିୟଙ୍କା ଚୋପ୍ରା ଏବଂ ରାଜକୁମାର ରାଓ । ହେଲେ ଦୁଇ ସିନିୟର ଷ୍ଟାର୍ସଙ୍କୁ ମାତ୍ ଦେଇ ଅଭିନୟ କ୍ଷେତ୍ରରେ ଆଗାକୁ ବଢିଯାଇଛନ୍ତି ଆଦର୍ଶ । ଯାହାଙ୍କ ଅଭିନୟରେ ଦିୱାନା ସମସ୍ତେ ।

ସେପଟେ ଆଦର୍ଶଙ୍କ ନାମ ବାଫ୍ଟାରେ ସାମିଲ ହେବା ପରେ ସୋସିଆଲ ମିଡିଆରେ ଖୁସି ପ୍ରକାଶ କରି ପ୍ରିୟଙ୍କା ଲେଖିଛନ୍ତି, ‘ବର୍ତ୍ତମାନ ଆମ ପାଇଁ ଗର୍ବର ସମୟ । ଭାରତୀୟ ପ୍ରତିଭା ଦୁଇଟି ବାଫ୍ଟ ନାମାଙ୍କନ ଗ୍ରହଣ କରିଛନ୍ତି । ଏହି ଚଳଚ୍ଚିତ୍ରରେ ସମସ୍ତ ଭାରତୀୟ ଷ୍ଟାରକାଷ୍ଟ ଥିଲେ । ଗୌରବ ଏହି ସମ୍ମାନର ଯୋଗ୍ୟ ଏବଂ ତାଙ୍କୁ ଅଭିନନ୍ଦନ ଜଣାଉଛି । ରମିନ ବେହେରାନୀ ଏହା ତ ହେବାର ଥିଲା ।’

ଆଦର୍ଶଙ୍କ ସହ ଏହି ବର୍ଗରେ ରିଜ ଅହମ୍ମଦ (ସାଉଣ୍ଡ ଅଫ୍ ମେଟାଲ୍), (ମା ରେନ୍ସ ବ୍ଲାକ୍ ବଟମ୍) ପାଇଁ ଚାଦ୍ବିଚକ୍ ବୋସମାନ୍, ‘ଦ ଫାଦର’ ପାଇଁ ଆନ୍ଥୋନୀ ହପକିନ୍ସ, ଅନ୍ୟ ଏକ ରାଉଣ୍ଡ ପାଇଁ ମ୍ୟାଡସ୍ ମିକେଲସନ୍ ଏବଂ ‘ମୋରିଟାନିଆ’ ପାଇଁ ତାହର ରହୀମଙ୍କୁ ମନୋନୀତ କରାଯାଇଛି। ବାଫ୍ଟାର ଏହି କାର୍ଯ୍ୟକ୍ରମ ଏପ୍ରିଲ 11ରେ ଅନୁଷ୍ଠିତ ହେବ ।