ମୁମ୍ବାଇ: ଛୋଟ ପରଦାର ରିୟାଲିଟି ଶୋ ବିଗ ବସ 8 ର ବିଜେତା ଗୌତମ ଗୁଲାଟି ଖୁବଶୀଘ୍ର ବଲିଉଡ ଡେବ୍ୟୁ କରିବାକୁ ଯାଉଛନ୍ତି । ସେ ସୁପରଷ୍ଟାର ସଲମାନ ଖାନଙ୍କ ବହୁ ପ୍ରତିକ୍ଷିତ ଫିଲ୍ମ ‘ରାଧେ: ୟୋର ମୋଷ୍ଟ ୱାଣ୍ଟେଡ ଭାଇ’ ଜରିଆରେ ବଲିଉଡରେ ପଦାର୍ପଣ କରିବେ। ସଲମାନ ତାଙ୍କୁ ତାଙ୍କ କ୍ୟାରିୟର ବଡ ବ୍ରେକ ଦେଇଛନ୍ତି । ଇତିମଧ୍ୟରେ ତାଙ୍କୁ ନେଇ ଏକ ଗୁଡ ନ୍ୟୁଜ ସାମ୍ନାକୁ ଆସିଛି ।
ଖବର ଶୁଣି ଲାଗୁଛି ଯେ ସଲମାନ ଏବେ ଗୌତମଙ୍କ ଦିୱାନା ପାଲଟିଛନ୍ତି । କାରଣ ରାଧେ ବ୍ୟତୀତ ସେ ତାଙ୍କୁ ଆଉ ଦୁଇଟି ଫିଲ୍ମର ଅଫର ମଧ୍ୟ ଦେଇଛନ୍ତି । ଏକଥା ଆମେ କହୁନାହୁଁ ଏହାର ଖୁଲାସା ନିଜେ ଗୌତମ କରିଛନ୍ତି ।
ଏକ ସାକ୍ଷାତକାରରେ ଯୋଗ ଦେଇ ସେ ଏହି କଥାର ଖୁଲାସା କରିଛନ୍ତି । ସଲମାନଙ୍କ ଅନୁଯାୟୀ ସେ ବହୁତ ଟ୍ୟାଲେଣ୍ଟେଡ ଏବଂ ତାଙ୍କୁ ସଠିକ୍ ସ୍ଥାନରେ ରହିବା କଥା। ବର୍ତ୍ତମାନ ସଲମାନଙ୍କ ଟିମ ତାଙ୍କ ସବୁ କାମ ହ୍ୟାଣ୍ଡଲ କରୁଛନ୍ତି। ଆଉ ‘ରାଧେ’ ବ୍ୟତୀତ ସଲମାନ ତାଙ୍କୁ ଦୁଇଟି ଫିଲ୍ମର ଅଫର ଦେଇଛନ୍ତି ବୋଲି କହିଛନ୍ତି ଗୌତମ। ପ୍ରକାଶ ଥାଉକି ‘ରାଧେ’ ଫିଲ୍ମ ପରେ ଗୌତମ ଅନ୍ୟ ଫିଲ୍ମର କାମ ଆରମ୍ଭ କରିବେ।
ଯଦି ‘ରାଧେ’ ଫିଲ୍ମ ବିଷୟରେ କଥା ହେବା ତେବେ ଏହାର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ପ୍ରଭୁଦେବା । ସେହିପରି ଫିଲ୍ମରେ ସଲମାନଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ରଣଦୀପ ହୁଡ୍ଡା ଓ ଦିଶା ପଟାନୀ । ଏବର୍ଷ ଇଦରେ ରିଲିଜ ହେବ ଫିଲ୍ମ।