‘ଗଣପତ’ରେ ଟାଇଗରଙ୍କ କିଏ ହେବ ପାର୍ଟନର, ଆସିଲା ନୂଆ ମୋଶନ ପୋଷ୍ଟର

ଜାରି ହେଲା ‘ଗଣପତ’ର ନୂଆ ମୋଶନ ପୋଷ୍ଟର । ଏଥର ଟାଇଗର ନୁହେଁ ଦମଦାର ଅନ୍ଦାଜରେ ନଜର ଆସିଲେ ଫିଲ୍ମ ଅଭିନେତ୍ରୀ । ହେଲେ ଦେଖିବାକୁ ମିଳିଲାନି ତାଙ୍କ ଚେହେରା । ଅଧିକ ପଢନ୍ତୁ...

ମୁମ୍ବାଇ: ଖୁବଶୀଘ୍ର ଆକ୍ସନ ହିରୋ ଟାଇଗର ଶ୍ରଫ ବଡ ସରପ୍ରାଇଜ ଦେବାକୁ ଯାଉଛନ୍ତି । ଗତ ବର୍ଷରୁ ଘୋଷଣା ହୋଇଥିବା ତାଙ୍କ ଆକ୍ସନ ଡ୍ରାମା ଫିଲ୍ମ ‘ଗଣପତ’କୁ ନେଇ ନୂଆ ଖବର ସାମ୍ନାକୁ ଆସିଛି । ଜାରି ହୋଇଯାଇଛି ଫିଲ୍ମରେ ତାଙ୍କ ସହ ରୋମାନ୍ସ କରିବାକୁ ଯାଉଥିବା ଅଭିନେତ୍ରୀଙ୍କ ଫାଷ୍ଟଲୁକ ମୋଶନ ପୋଷ୍ଟର। ହେଲେ ଏଯାବତ ଖୁଲାସା ହୋଇନାହିଁ କିଏ ତାଙ୍କ ସହ ନଜର ଆସିବେ ।

ସେପଟେ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଏହାକୁ ସେୟାର କରି ଲେଖିଛନ୍ତି, ‘ଗଣପତର ଲିଡିଂ ଲେଡି । ଗେସ୍ କରନ୍ତୁ କିଏ ଟାଇଗରଙ୍କ କୋ-ଷ୍ଟାର । ଆକ୍ସନ ଥ୍ରିଲର ଗଣପତର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ନିର୍ଦ୍ଦେଶକ ବିକାଶ ବହଲ । ଆସନ୍ତା ବର୍ଷ ରିଲିଜ ହେବ ଫିଲ୍ମ ।’ ସେହିପରି ଟାଇଗରଙ୍କ କଥା ମଧ୍ୟ ଏଥିରେ ଶୁଣିବାକୁ ମିଳୁଛି । ଯେଉଁଥିରେ ମଧ୍ୟ ଅପେକ୍ଷା କରିଛନ୍ତି ଅଭିନେତ୍ରୀଙ୍କ ଚେହେରା ଦେଖିବାକୁ ।

ଏବର୍ଷ ମାର୍ଚ୍ଚ କିମ୍ବା ଏପ୍ରିଲରେ ଫିଲ୍ମର ସୁଟିଂ ଆରମ୍ଭ କରିବେ ମେକର୍ସ । ଆଉ 2022ରେ ଏହାକୁ ରିଲିଜ କରିବାକୁ ଯୋଜନା କରାଯାଇଛି । ଏବେ ଦେଖନ୍ତୁ ଫିଲ୍ମର ଦମଦାର ମୋଶନ ପୋଷ୍ଟର...