ମୁମ୍ବାଇ: ଗତ 15 ଓ 16 ତାରିଖ ଦିନ ପୂର୍ବ ଲଦାଖ ଗଲୱାନ ଘାଟିରେ ଭାରତ-ଚୀନ ସେନାଙ୍କ ମଧ୍ୟରେ ସଂର୍ଘଷ ଘଟି 20 ଯବାନ ଶହୀଦ ହୋଇଛନ୍ତି । ଏହିି ଘାଟି ନିକଟରେ ହୋଇଥିବା ହିଂସାତ୍ମକ ସଂଘର୍ଷ ଭାରତକୁ ଗଭୀର ଆଘାତ ଦେଇଛି । ଜାମ୍ମୁ-କଶ୍ମୀରର ଉରି ଏବଂ ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣ ପରେ ଏହା ହେଉଛି ତୃତୀୟ ବଡ ଆକ୍ରମଣ ।
ଯେଉଁରେ ଭାରତୀୟ ସେନା ବିଭାଗର ବଡ କ୍ଷତି ହୋଇଛି । ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ବଲିଉଡ ସେଲିବ୍ରିଟି । ନିଜ ନିଜ ପ୍ରତିକ୍ରିୟା ରଖି ଶହୀଦଙ୍କ ପରିବାରକୁ ସାନ୍ତ୍ୱନା ଦେଇଛନ୍ତି । ଏହି କ୍ରମରେ ସାମିଲ ଅଛନ୍ତି ସୁପରଷ୍ଟାର ହ୍ରିତିକ ରୋଶନ, ଅନୁପମ ଖେର, ଅକ୍ଷୟ କୁମାର, ଅଜୟ ଦେବଗନ, ବିକ୍କୀ କୌଶଲ ଓ ବରୁଣ ଧୱନ ।
‘ସୁପର 30’ ଆକ୍ଟର ହ୍ରିତିକ ଦୁଃଖ ପ୍ରକାଶ କରି ଟ୍ବିଟରେ ଲେଖିଛନ୍ତି, ‘ଆମର ପ୍ରତିରକ୍ଷା ଭୂମିର ଉଚ୍ଚରେ ଠିଆ ହୋଇଛି । ଡ୍ୟୁଟିରେ ଶହୀଦ ହୋଇଥିବା ସେନାଙ୍କୁ ମୋର ସର୍ବୋଚ୍ଚ ସମ୍ମାନ । ସେମାନଙ୍କ ପରିବାର ପାଇଁ ମୋ ସମବେଦନା ଏବଂ ପ୍ରାର୍ଥନା ।’
ସେହିପରି ଅନୁପମ ଟ୍ବିଟ କରି ଲେଖିଛନ୍ତି, ‘ଭାରତୀୟ ସେନାଙ୍କ ଜୟ, ଜୟ ହିନ୍ଦ ।’ ଅନୁପମଙ୍କ ବ୍ୟତତୀ ଖିଲାଡି ଅକ୍ଷୟ ଲେଖିଛନ୍ତି, ‘ଗଲୱାନରେ ଆମ ସାହାସୀ ସେନାଙ୍କ ମୃତ୍ୟୁରେ ମୁଁ ବହୁତ ଦୁଃଖିତ । ଦେଶ ପାଇଁ ସେମାନଙ୍କ ଅମୂଲ୍ୟ ସେବା ପାଇଁ ଆମେ ସେମାନଙ୍କ ନିକଟରେ ସର୍ବଦା ଋଣୀ ରହିବୁ । ସେମାନଙ୍କ ପରିବାର ପ୍ରତି ହୃଦୟରୁ ସମବେଦନା ।’
ବିଗ ବି ଅମିତାଭ ବଚ୍ଚନ ଲେଖିଛନ୍ତି, ‘ଦେଶକୁ ବଞ୍ଚାଇବା ପାଇଁ ଆମ ସେନାମାନେ ନିଜ ଜୀବନକୁ ବଳି ପକାଇଦେଇଛନ୍ତି । ସମ୍ମାନ ଭାରତୀୟ ସେନାଙ୍କୁ । ଜୟ ହିନ୍ଦ ।’ ଏହି ବ୍ୟତୀତ ସୋନୁ ସୁଦ, ସିଦ୍ଧାର୍ଥ ଶୁକ୍ଲା, ରବୀନା ଟଣ୍ଡନ, ନିମୃତ କୌର, ୟାମୀ ଗୌତମ ଓ ତୁଷାର କପୁର ଭଳି କଳାକାର ଶହୀଦଙ୍କୁ ଶ୍ରଦ୍ଧାଞ୍ଜଳୀ ଦେଇଛନ୍ତି ।
