ମୁମ୍ବାଇ: ସୁପରଷ୍ଟାର ଶାହରୁଖ ଖାନଙ୍କ ଦ୍ବାରା ପ୍ରଯୋଜିତ ଥ୍ରିଲର, ହରର ଓ ଆକ୍ସନଭରା ୱେବ ସିରିଜ ‘ବେତାଲ’ ଆଜି(ଶନିବାର) ନେଟଫ୍ଲିକ୍ସରେ ରିଲିଜ ହୋଇଯାଇଛି। ନେଟଫ୍ଲିକ୍ସରେ ରିଲିଜ ହୋଇଥିବା ଏହା ତାଙ୍କ ଦ୍ବିତୀୟ ୱେବ ସିରିଜ। ତାଙ୍କ ରେଡ ଚିଲିସ ଏଣ୍ଟରଟେନମେଣ୍ଟ ପ୍ରଡକ୍ସନ ହାଉସରେ ପ୍ରଯୋଜିତ ହୋଇଛି ‘ବେତାଲ’। ଅନେକ ସମସ୍ୟା ପରେ ବମ୍ବେ ହାଇକୋର୍ଟ ତରଫରୁ ସିରିଜ ରିଲିଜ କରିବାକୁ ଅନୁମତି ମିଳିଥିଲା ।
ହେଲେ ମେକର୍ସଙ୍କ ସମସ୍ୟା କମିବାର ନାଁ ନେଉନାହିଁ । ଏବେ ମେକର୍ସଙ୍କୁ ମିଳିଛି ବଡ ଝଟକା। କିଛି ଘଣ୍ଟା ପୂର୍ବରୁ ରିଲିଜ ‘ବେତାଲ’ ଅନଲାଇନ ହ୍ୟାଙ୍କିର ଶିକାର ହୋଇଛି। ତାମିଲରକର୍ସ, ଟେଲିଗ୍ରାମ ପରି କୁଖ୍ୟାତ ହ୍ୟାଙ୍କି ସାଇଟ ଗୁଡିକରେ ଏଚଡି ଭିଡିଓରେ ପୁରା ସିଜନ ଲିକ ହୋଇଛି । ଏହା ବ୍ୟତୀତ ଡାଉନଲୋଡ ଏବଂ ଅନଲାଇନ ଦର୍ଶନ ପାଇଁ ‘ବେତାଲ’ ମାଗଣା ଲିଙ୍କ ମଧ୍ୟ ଉପଲବ୍ଧ।