ମୁମ୍ବାଇ: ଆଜି ମହାଶିବରାତ୍ରୀ ଶୁଭ ଅବସରରେ ପ୍ରତ୍ୟେକ ସ୍ଥାନରେ ମହାଦେବଙ୍କ ନାମ ଶୁଣିବାକୁ ମିଳୁଛି । ଭକ୍ତମାନେ ଶିବଙ୍କ ପୂଜାରେ ବୁଡି ରହିଛନ୍ତି । ଭୋଳାନାଥଙ୍କୁ ଦେଖିବା ପାଇଁ ମନ୍ଦିରରେ ଛୁଟୁଛି ଶ୍ରଦ୍ଧାଳୁଙ୍କ ସୁଅ ।
ଏହି ପବିତ୍ର ଦିବସ ଅବସରରେ ବି-ଟାଉନ ସେଲିବ୍ରିଟିମାନେ ଫ୍ୟାନ୍ସଙ୍କୁ ମହାଶିବରାତ୍ରୀର ଶୁଭେଚ୍ଛା ଜଣାଇଛନ୍ତି ।
ବଲିଉଡର ସୁପରଷ୍ଟାର ହ୍ରିତିକ ରୋଶନ କହିଛନ୍ତି ଯେ, "ଜୟ ଶିବ ଶଙ୍କର, ମହା ଶିବରାତ୍ରୀ କି ହାର୍ଦ୍ଦିକ ଶୁଭକାମନା" ।
ଭେଟେରାନ ଅଭିନେତ୍ରୀ ହେମା ମାଲିନି ଲେଖିଛନ୍ତି, "ଆମେ ଆଜି ମହାଶିବରାତ୍ରୀ ପାଳନ କରୁଛୁ । ଏହା ଉପବାସର ଦିନ, ଆନ୍ତରିକତାର ଦିନ, ଧ୍ୟାନ କରିବାର ଦିନ ଏବଂ ପରମେଶ୍ବରଙ୍କ ଦିନ ଅଟେ ।
ଅନିଲ କପୁର ଏବଂ ଶ୍ରଦ୍ଧା କପୁର ତାଙ୍କ ଇନଷ୍ଟାଗ୍ରାମ ଶିବଲିଙ୍ଗର ଏକ ଫଟୋ ସେୟାର କରି ସମସ୍ତଙ୍କୁ ମହାଶିବରାତ୍ରୀର ଶୁଭେଚ୍ଛା ଜଣାଇଛନ୍ତି ।
ସିଦ୍ଧାର୍ଥ ମଲହୋତ୍ରା ଟ୍ବିଟରରେ ଶୁଭେଚ୍ଛା ଜଣାଇ ଲେଖିଛନ୍ତି ଯେ, ଶୁଭ ମହାଶିବରାତ୍ରୀରେ ଭଗବାନ ଶିବ ସମସ୍ତଙ୍କୁ ସୁଖମୟ ଜୀବନ ଆଶୀର୍ବାଦ କରନ୍ତୁ।
