ହାଇଦ୍ରାବାଦ:ମକର ସଂକ୍ରାନ୍ତି ହେଉଛି ଏକ ସର୍ବ ଭାରତୀୟ ପର୍ବ । ଏହି ପର୍ବକୁ ସମସ୍ତେ ଉତ୍ସାହର ସହିତ ପାଳନ କରିଥାନ୍ତି । ଭାରତ ବାହାରେ ରୋମାନ ଓ ଇହୁଦୀମାନେ ମଧ୍ୟ ଏହି ପର୍ବ ପାଳନ କରନ୍ତି । ଏହି ବିଶେଷ ଉତ୍ସବରେ ହେମା ମଲିନୀ ଠାରୁ ଆରମ୍ଭ କରି ଅକ୍ଷୟ କୁମାର ପର୍ଯ୍ୟନ୍ତ ଅନେକ ସେଲିବ୍ରେଟି ସୋସିଆଲ ମିଡିଆରେ ପ୍ରଶଂସକମାନଙ୍କୁ ମକର ସଂକ୍ରାନ୍ତି ଶୁଭେଚ୍ଛା ଜଣାଇଛନ୍ତି।
ହିନ୍ଦୀ ସିନେମାର 'ଡ୍ରିମ୍ ଗାର୍ଲ' ତଥା ଭେଟେରାନ୍ ଅଭିନେତ୍ରୀ ହେମା ମାଲିନି ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ରୋଷେଇ ଘରେ ପୋଙ୍ଗଲ ପାଇଁ ପ୍ରସ୍ତୁତ କରୁଥିବା ଦେଖିବାକୁ ମିଳିଛି। ହେମା ଲେଖିଛନ୍ତି, 'ଆଜି ମୁଁ ପରିବାର ସହିତ ପୋଙ୍ଗଲ ଫେଷ୍ଟିଭାଲ ପାଳନ କରୁଛି ଏବଂ ଏହି ବିଶେଷ ଉତ୍ସବରେ ମୁଁ ପୋଙ୍ଗଲ ତିଆରି କରୁଛି ।'