ମୁମ୍ବାଇ: ଆରପାରିରେ ଫୁଟବଲ କିମ୍ବଦନ୍ତୀ ଡିଏଗୋ ମାରାଡୋନା । ହୃଦଘାତ ଯୋଗୁଁ ଆର୍ଜେଣ୍ଟିନାର ଏହି ଭେଟେରାନ ଫୁଟବଲରଙ୍କ ମୃତ୍ୟୁ ହୋଇଥିବା ନେଇ ସୂଚନା ମିଳିଛି । ଗତ କିଛି ଦିନ ତଳେ ତାଙ୍କ ମସ୍ତିସ୍କ ଅସ୍ତ୍ରୋପଚାର ହୋଇଥିଲା । ମୁଣ୍ଡରେ ରକ୍ତ ଜମାଟ ବାନ୍ଧିବା ଯୋଗୁଁ ତାଙ୍କର ଅସ୍ତ୍ରୋପଚାର କରାଯାଇଥିଲା । ଏହାପରେ ସେ ଡାକ୍ତରଖାନାରୁ ଘରକୁ ଫେରିଥିଲେ । ଡାକ୍ତର ତାଙ୍କୁ କିଛି ଦିନ ପାଇଁ ବିଶ୍ରାମ ନେବାକୁ ପରାମର୍ଶ ଦେଇଥିଲେ । ହେଲେ ପରିଶେଷରେ ସେ ସମସ୍ତଙ୍କୁ ଛାଡି ଚାଲିଯାଇଛନ୍ତି । ତାଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି ବଲିଉଡ ସେଲିବ୍ରିଟି ।
ସୁପରଷ୍ଟାର ଶାହରୁଖ ଖାନଙ୍କ ଠୁ ନେଇ ଅଭିଷେକ ବଚ୍ଚନ, କରୀନା କପୁର ଖାନ, ରଣବୀର ସିଂ, ପ୍ରିୟଙ୍କା ଚୋପ୍ରା ଓ ରିତେଶ ଦେଶମୁଖ ଟ୍ବିଟ କରି ଭାବୁକ ନଜର ଆସୁଛନ୍ତି । ଶାହରୁଖ ତାଙ୍କର ଏକ ପୁରୁଣା ଫଟୋ ପୋଷ୍ଟ କରି ଲେଖିଛନ୍ତି, ‘ଡିଏଗୋ ମାରାଡୋନା ତୁମେ ଫୁଟବଲ ଦୁନିଆକୁ ସୁନ୍ଦର କରିଥିଲ । ତୁମକୁ ସମସ୍ତେ ମନେ ରଖିବେ । ତୁମେ ଏହି ଦୁନିଆ ପରି ସ୍ବର୍ଗକୁ ମନୋରଞ୍ଜନ କର ଏବଂ ଆନନ୍ଦିତ କର । ଭଗବାନ ତୁମ ଆତ୍ମାକୁ ଶାନ୍ତି ଦିଅନ୍ତୁ ।’