ମୁମ୍ବାଇ:ମହାରାଷ୍ଟ୍ର ଗୋରେଗାଓଁର ବିଗ ବସ୍ ଫିଲ୍ମ ସିଟିରେ ଅଗ୍ନିକାଣ୍ଡ । ଶନିବାର ପ୍ରାୟ ଅପରାହ୍ନ ୧ଟାରେ ଏହି ଅଗ୍ନିକାଣ୍ଡ ଘଟିଛି । ସେଟ୍ରେ ନିଆଁ ଲାଗିବା ପରେ ପ୍ରାୟ ୪ଟି ନିଆଁଲିଭା ଗାଡ଼ି ନିଆଁକୁ ଆୟତ୍ତ କରିଥିଲା । ଏହି ଦୁର୍ଘଟଣାରେ କାହାର କୌଣସି କ୍ଷତି ହୋଇନଥିବା ବ୍ରିହାନମୁମ୍ବାଇ ମହାନଗର ନିଗମ(BMC) ପକ୍ଷରୁ ସୂଚନା ଦିଆଯାଇଛି ।
ନିଆଁ ଲାଗିବା ସମୟରେ ସେଟ୍ ମଧ୍ୟରେ କେହିନଥିବା ଜଣାପଡ଼ିଛି । ବିଗ ବସ-୧୫ କିଛି ତଳେ ଶେଷ ହୋଇଥିବାରୁ ସେଟ ଖାଲି ରହିଥିଲା । ତେବେ ସୂଚନା ଥାଉ କି ଶେଷ ସିଜନ ବିଗ ବସ-୧୫କୁ ବଲିଉଡ଼ ସୁପରଷ୍ଟାର ସଲମାନ ଖାନ ହୋଷ୍ଟ କରିଥିଲେ । ଗତ ଜାନୁଆରୀ ୩୦ ତାରିଖରେ ଏହାର ଶେଷ ଏପିସୋଡ଼ ରହିଥିଲା ।