ଦର୍ଶକଙ୍କୁ ପସନ୍ଦ ଶାହିଦ-କିୟାରାଙ୍କ ଯୋଡି

ଦର୍ଶକଙ୍କ ମନ କିଣିବାରେ ସଫଳ ହୋଇଛି ରୋମାଣ୍ଟିକ ଫିଲ୍ମ 'କବୀର ସିଂହ' । ଫିଲ୍ମରେ ମୁଖ୍ୟ ଭୂମିକାରେ ନଜର ଆସିଛନ୍ତି ଶାହିଦ କପୁର ଓ କିୟାରା ଆଡଭାନୀ ।

ମୁମ୍ବାଇ: କ୍ୟୁଟ ଅଭିନେତା ଶାହିଦ କପୁର ଓ କିୟାର ଆଡଭାନୀଙ୍କ ବହୁ ଚର୍ଚ୍ଚିତ ଫିଲ୍ମ 'କବୀର ସିଂହ' ଆଜି ରିଲିଜ ହୋଇଯାଇଛି । ନିର୍ଦ୍ଦେଶକ ସନ୍ଦୀପ ରେଡ୍ଡୀ ୱାଙ୍ଗାଙ୍କ ତେଲୁଗୁ ସୁପରହିଟ୍ ଫିଲ୍ମ ଅର୍ଜୁନ ରେଡ୍ଡୀର ଏହି ହିନ୍ଦୀ ରିମେକ 'କବୀର ସିଂହ' ଆପଣଙ୍କ ମନ ଭିତରେ ରୋମାନ୍ସର ରଙ୍ଗ ଭରିଦେବ । ହିଟ୍ ଫିଲ୍ମ 'ଆଶିକୀ-2' ପରେ 'କବୀର ସିଂହ' ଦୁଇ ଏମିତି ପ୍ରେମୀ ଯୁଗଳଙ୍କ ପ୍ରେମ କାହାଣୀ ଯାହାକୁ ଚାହିଁକି ବି ଭୁଲି ପାରିବେ ନାହିଁ ଦର୍ଶକ । ଏହି ଲଭଷ୍ଟୋରୀ ଆପଣଙ୍କୁ ନିହାତି ଇମୋଶନାଲ କରିଦେବ ।

'କବୀର ସିଂହ' ଫିଲ୍ମଟି ଦର୍ଶକଙ୍କ ହୃଦୟ ଜିତିବାରେ ସଫଳ ହୋଇଛି । ଅନ୍ୟପଟେ ଫିଲ୍ମଟିକୁ କ୍ରିଟିକ୍ସ ଏବଂ ଟ୍ରେଡ ଆନାଲିଷ୍ଟ ମଧ୍ୟ 3 ଷ୍ଟାର ଦେଇଛନ୍ତି । ଫିଲ୍ମରେ ଶାହିଦ ଜଣେ ପାଗଳ ପ୍ରେମୀ ଭୂମିକାରେ ଦେଖାଯାଉନ୍ତି । ଯିଏ ନିଜ ପ୍ରେମିକା ପାଇଁ ଦିନରାତି ନିଶାରେ ବୁଡି ରହୁଛନ୍ତି ।

ଶାହିଦଙ୍କ ଏହି ଦମଦାର ଅଭିନୟ ପୁଣିଥରେ ଫ୍ୟାନ୍ସଙ୍କ ହୃଦୟ କିଣି ନେଇଛି । ସେହିପରି କିୟାରାଙ୍କ ଖୁବ୍ ପ୍ରଶଂସା କରିଛନ୍ତି ଦର୍ଶକ । ପ୍ରଥମଥର ଶାହିଦ ଓ କିୟାରଙ୍କ ଲଭ କେମେଷ୍ଟ୍ରି ଦେଖି ଦର୍ଶକ ମଧ୍ୟ ଖୁବ୍ ଖୁସି । ଫିଲ୍ମଟି ପ୍ରଥମଦିନରେ 15 କୋଟିରୁ ଉର୍ଦ୍ଧ୍ବ ଆୟ କରିଛି ହିଟ୍ ତାଲିକାରେ ସାମିଲ ହେବାକୁ ଯାଉଛି ।

ପ୍ରକାଶ ଥାଉକି ଫିଲ୍ମଟି ବିଶ୍ବସ୍ତରରେ 3616 ସ୍କ୍ରିନିରେ ରିଲିଜ ହୋଇଛି । ଭାରତରେ ଫିଲ୍ମଟି 493 ସ୍କ୍ରିନିରେ ରିଲିଜ ହୋଇଥିବା ବେଳେ ବିଦେଶରେ 3123 ସ୍କ୍ରିନିରେ ରିଲିଜ ହୋଇଛି । ଫିଲ୍ମଟି ବିଶ୍ବସ୍ତରରେ ମଧ୍ୟ ଭଲ କଲେକ୍ସନ କରିଛି ବୋଲି ଦର୍ଶକଙ୍କୁ ସୂଚନା ଦେଇଛନ୍ତି ଫିଲ୍ମ କ୍ରିଟିକ ତରଣ ଆଦର୍ଶ ।