ଅମିତାଭଙ୍କ ପାଇଁ ଅଟକିଛି ‘ଶୋବାଇଟ’ ରିଲିଜ, ଦାବି କଲେ ନିର୍ମାତା

ବର୍ତ୍ତମାନ ଅମିତାଭଙ୍କ 15 ବର୍ଷ ପୁରୁଣା ଫିଲ୍ମ ‘ଶୋବାଇଟ’କୁ ନେଇ ସମସ୍ୟା । ନିର୍ମାତା ଶୈଳେନ୍ଦ୍ର କଲେ ଅନେକ ଦାବି ।

ମୁମ୍ବାଇ: ମହାନାୟକ ଅମିତାଭ ବଚ୍ଚନ ବର୍ତ୍ତମାନ ନିଜର ଆଗାମୀ ଫିଲ୍ମ ‘ଗୁଲାବୋ ସିତାବୋ’କୁ ନେଇ ଚର୍ଚ୍ଚାରେ । ଆସନ୍ତା 12 ତାରିଖରେ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ରିଲିଜ ହେବ ଏହି ଫିଲ୍ମ । ହେଲେ ଏହା ବ୍ୟତୀତ ସେ ନିର୍ଦ୍ଦେଶକ ସୁଜିତ ସିରକାରଙ୍କ ନିର୍ଦ୍ଦେଶିତ ଆଉ ଏକ ଫିଲ୍ମ ‘ଶୋବାଇଟ’ ପାଇଁ ମଧ୍ୟ ଚର୍ଚ୍ଚାରେ । ଏହି ଫିଲ୍ମ ରିଲିଜ ନହେବାର କାରଣ ଏବେ ସାମ୍ନାକୁ ଆସିଛି ।

ଫେମସ ନିର୍ମାତା ଶୈଳେନ୍ଦ୍ର ସିଂ ଦାବି କରିଛନ୍ତି ଯେ ଏହି ଫିଲ୍ମ ସେହି ସମୟରେ ରିଲିଜ ହେବ । ଯେବେ ବୌଦ୍ଧିକ ସମ୍ପତ୍ତି ଅଧିକାର ପାଇଁ ଅମିତାଭଙ୍କ ସହ ଲାଗିଥିବା ତାଙ୍କ ଝଗଡା ଶେଷ ହେବ ।

ଶୈଳେନ୍ଦ୍ର ନିର୍ଦ୍ଦେଶକ ସୁଜିତଙ୍କ ଏହି ଫିଲ୍ମକୁ ନେଇ ଚାଲିଥିବା ଏଯାବତ କାହାଣୀ ଉପରେ ନୂଆ ଖୁଲାସା କରିଛନ୍ତି । ସେ ଏକ ସାକ୍ଷାତକାରରେ କହିଥିଲେ ଯେ ‘ଶୋବାଇଟ’ର କାହାଣୀ ସେ ଲେଖିଥିଲେ ଆଉ ଅମିତାଭଙ୍କୁ ମଧ୍ୟ ଶୁଣାଇଥିଲେ । ଅମିତାଭଙ୍କ କମ୍ପାନୀ ଏହି ଫିଲ୍ମରେ ଅଂଶୀଦାର ଚାହୁଁଥିଲା, ହେଲେ ସେ ମନା କରିଦେବାରୁ ଏହି ଝଗଡା ଆରମ୍ଭ ହୋଇଥିଲା ।

ସେ ଜଣାଇଛନ୍ତି ଯେ ଏହି ଫିଲ୍ମର ନାମ ସେ ‘ଜନି ୱାକର’ ରଖିଥିଲେ । ଯେଉଁଥିରେ ଜନି ଡିସୁଜାଙ୍କ କାହାଣୀ ପର୍ଯ୍ୟବେଶିତ କରାଯାଇଛି । ଯିଏ ନିଜ ଅସୁସ୍ଥ ପତ୍ନୀଙ୍କୁ ଭେଟିବା ପାଇଁ ଶହ ଶହ କିଲୋମିଟର ଚାଲିକି ଯାଉଛନ୍ତି ।